~ اعلانات ديوانية شمر~

الإعلانات


الإهداءات

 
 
عودة   شمر ديوانية شمر >

الدواوين الادبيــــــة > د يـوان وهج القوافي > ديوان الشعر المنقول

 
 

إضافة رد
 
أدوات الموضوع
قديم 20-10-2002, 04:27 PM   رقم المشاركة : ( 1 )
ذيب اجاء
شاعر الديوانية

الصورة الرمزية لـ ذيب اجاء

الملف الشخصي
رقــم العضوية : 198
تـاريخ التسجيـل : Sep 2002
العـمـر :
الاقامة :
المشاركات : 321
عدد النقاط : 10

ذيب اجاء غير متصل

المنتدى : ديوان الشعر المنقول

اعــــــزائـــي أعــضــاء ديــوانــيـــة شــمــــر

سوف أقدم لكم بهذا الموضوع كل ماكتبه وقاله الشاعر
منـصـور بـن سـعــدي بـن رجــاء ألــرمـالـــي الشمري

رحمة الله واسكنه فسيح جناته

وما جعلني اكتب لكم جميع قصائده هو كثرة طلب قصائده من اكثر الاخوه الاعضاء ومطالبة الكثير لي بكتب كل ماأعرفه عن هذا الشاعر المبدع

وانا بدوري لن أبخل عليكم بكل ماأحفظـه من قصائد لـه وهذه المجموعه

الشيقه من اشعار منصور أقدمها لكم وماتبقي سوف اظيفه لكم لاحقـاً



وعسى ان اكون وفقت بأختيار كل ماهو جميل







[poet font="Simplified Arabic,3,white,bold,italic" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=150 char="" num="0,black" filter=""]


واليكم ابداعـات

مـــنــصـــــــــور

***
**
*

1: لا تاخذ القلب

لا تاخذ القلب رد القلب يا قلبي=وشلون تبغي يعيش اللي معك قلبه

كانك نويت الرحيل بقلبي ارحل بي=خذ صاحب القلب هو والقلب وارحل به

لو في جهنم نويت المنزل انزل بي=يرتاح قلبي ولو بالنار تنزل به

خل الوفا من طباعك لا تمنذل بي=حدد حبيبك وحدد من تمنذل به

منك الجفا طال والولوال طول بي=وقلبي عذابك توحد به وطول به

اليا متى وانت ضدي موقفك سلبي=واليا متى وانت عقلي ناوي سلبه

واليا متى الهم يقفي بي ويقبل بي=ودنياي قفت وعيا الحظ يقبل به

واليا متى وانت بالموعد تماطل بي=حرام منهو يبي قربك تماطل به

يا ليتني ملك تملكني وتبخل بي=ياللي تمر وصباح الخير تبخل به

اقتلني افضل ولا للحب تقتل بي=ما اعيش انا بارض شفت الحب يقتل به

لا تقتل الحب واقتلني ومثل بي=وقدام كل البشر منصور مثل به

***
**
*

2:انت الجمال

انت القمر0والشمس0والارض0والكون=وانت السماء00وانت النجوم الرفيعه
وانت0الذهب والماس غالي ومكنون=يادرة(ن) خسران منهو يبيعه
{وانت الجمال}اللي به القلب مفتون=وانت الحلا00يانوركل الطبيعه
وانت الامل في كل دنياي يانون=بعدك شقى قلبي00وقربك ربيعه
عندي فلا مثلك مع الناس مزيون=ياكوكب(ن)غطى الكواكب لميعه
منساك لا منساك وابليس ملعون=أرجع علي00فرقاك انا ما استطيعه
ولاجفاك لو تجفاء ولوخنت ماخون=وأدور وصلك لو تدور القطيعه
***
**
*

3:امرمر(ن)مر


امرمر(ن) مرفي دنيتي لي=وأمر مر(ن) مرلي في حياتي
لاجاني العاني وانا مامعي شي=ودي تجيني قبل ياتي وفاتي
إن أعتذرته ظن 00ظن الرداءفي= وأنا الرداء 0ماهوصفه من صفاتي
أضحك واهليبه وانا منكوي كي=من خوفي التقصير في واجباتي
ومن لاأشتهر بالجود صيته وهوحي=ماطالع(ن)له صيت عقب المماتي

***
**
*

4: تصيح من وضعك



وافق معي0 وارفق بشخص(ن)لكم طاع=والطف بذات(ن) ينتظرلطف ذاتك
الحق غريق(ن)في بحر حبكم ضاع= وأنقذ حياة اللي تعمه حياتك
تصيح من وضعك00واناأعيش بأوضاع=اخفهن لوجاك سبب وفاتك
عطني شقى عمرك وهمك والاوجاع=خذ السعاده واعطني مشكلاتك
احرق بقلبي00واترك القلب يلتاع=لاتترك الهوجاس يحرق شفاتك
الله خلقك0وبك خلق سر الابداع=ملاك ماحد(ن) به صفه من صفاتك
ياعز واغلا خلق ربي على القاع=وشلون انا اسهر منك وانت بمباتك
اناوفي يوم الوفي يالوفي ضاع=وأبغى وفاء 00واعطيك كل أمنياتك
اموت فيك ولك تراء القلب ماباع=وأبعث بعد موتي معي ذكرياتك

***
**
*


5: لو حملو سلمى



ياهم ياللي في خفا خافقي طلت=ارحل ترى منصورقرب رحيله
ياهم جاني ماكفاني وحصلت=جسمي غضاء00وعضام جسمي نحيله
ياهم انا أخفيتك بصدري ولازلت=أخفيك خوف أهل النفوس العليله
اخاف قول اللي 0يقولون لوقلت=اللي سوالفهم عراض وطويله
ولة حملو سلمى مثل ماتحملت=صاحت لجاء من جور حمل(ن) تشيله
ولو أن سنجار الجبل شال ما شلت=مبطي شكا ضيم الحمول الثقيله
أصبر ولو شفت الزمن مال ما ملت=وأقول يمكن يعتدل عقب ميله

***
**
*


6: حمام ياللي



حمام ياللي بيح السد نوحه=علمتني حسبي عليك الله النوح
أنوح من قلب(ن) لحونه 00جروحه=القلب جرح0وجسم راعيه مجروح
سهران لين الشمس يكمل وضوحه=مانام0ليل0ولاقدرامشي ولا روح
مجروح روح(ن) والعز بان بوحه=وأخاف سدي من العنا يعلن البوح
وكل(ن) يموت اليا طلعت منه روحه= بس البلا00من مات جسمه وبه روح
يتعب ويشقى00 ماتحح طموحه= ولاله00 بها الدنيا ولوعاش مصلوح

***
**
*


7:قصتي قصه



قصتي قصه بدايتها العذاب=واخرتها الموت في دنيا عناي
الشقاء لي بيت 00والحرمان باب=والخيال أفراش 00واحزاني غطاي
أصبح الدخان لي 00زاد وشراب=والسهربالليل 0والونه جداي
حاضري لاشي00والماضي سراب=وكل من ناديت مايسمع نداي
في شبابي من عناي الراس شاب= والله اعلم كيف أنا عشت بصباي

***
**
*


8:ان ضحكنا يوم



يابو قاسي شفت ماشفته وعفت= عفت من ماشفت انا حتى النظر
إن ضحكنا يوم 00عشر أيام زفت=وإن رقدنا ليل ما نمنا شهر
يابو قاسي من زمان اليوم خفت= وصرت أخاف من ابتسامات البشر
لاتلومن 00لوعقب قوه ضعفت=ولاتلوم القلب ما قلبي صخر
يابو قاسي في بلاد الله طفت =وأغتربت وشبت في سن الصغر
راس مالي من وراء الغربه عرفت= اني المخلوق لجل اشبع قهر

***
**
*



9: كيف ابنسى



قالو انسه00قلت ثامن مستحيل=يصبح النسيان للعاشق عزاء
قالو تلقاء غير محبوبك بديل=قلت حبه في لجاء جوفي لزاء
حالف(ن)مانساه الايوم الرحيل=ولا تناسا الزين لو عشت بوزاء
كيف ابنسى من معي سواء جميل= والردا00للطيب مايصبح جزاء
بالوليف الحلم ياتي كل ليل=وكل مارقد في منامي لي غزاء

***
**
*



10:اعطني يمناك



اعطني يمناك عاهدني واعاهد= مانخون العهد00 لوكل(ن) يخون
أعطني يمناك والله خير شاهد=عالم اللي كان واللي مايكون
في سبيل الحب جاهد وانت جاهد= وناخذ بثار المواجع والطعون
وان ضهدنا من عنا الايام ضاهد=كل واحد عند الاخر مايهون

***
**
*


11:ارضاء الضماء



الذل انا مارضاه 0مادمت حيا=ولاذل منهو0في ذراء خالقه لاذ
اصبر ولو لي مطلب(ن) ماتهيا= لاسايل(ن) هذا ولاطالب(ن) هاذ
أرضاء الضماء00ماطلب من النذل ميا=واموت جوع ولااقصدالناس شحاذ
حلفت انا ماطلب من الناس شيا=وضلعي على حقي حديد(ن) وفولاذ

***
**
*


12:انا من يعاني




انا من شقاء وأهتز0انا من طواه الياس=انا من سهر00واصل السهر ساكنن عينه
انا من يعاني شى00مامنه عانو الناس=انا من خسر دنياه 0وايضا(ن)خسر دينه
انا من عذاب(ن)لي جرى00بان شيب الراس=انا من تقرض للقهر00انا من موالينه
انا من وطاه الحظ الاقشر وفوقه داس=انامن طعنه الوقت الاغبر بسكينه
انا من سرى ليله مع الهم والهوجاس=وانا من جفاه الوقت وايامه الشينه
انا اضحك واجامل ناس 00من شان خاطر ناس= وانا احس في قلبي 0تفجر براكينه
شكيت وبكيت وصرت00 انا امشي بدون احساس= ولا قول غير الله يعدل موازينه
انا اخاف من ريشه تلامس وتر حساس= ومن ثم يبحث كل خافي بتلحينه

***
**
*


13:شفت الجمال




قابلتها في ملتقى بين بابين=باب(ن)عذاب له 0وباب(ن)عذابي
سلمت وابديت التحيت على الزين=وتبسمت لي بالثمان العذابي
شفت الجمال وشفت انا الكحل بالعين=وشفت النهود وشفت انا الردف نابي
قربت منها قلت يابنت 00تكفين=حبه على الطاير ترى القلب ذابي
وطالع واناطالعت بالعين شخصين=وصاح الوليف وقال لي ياخرابي
ماادري من الجيران والاحسودين=ياعلهم للنار يوم الحسابي
مشيت انا والقلب يطعن بسكين= حتى شعرراسي توقف وشابي
والله مانسا ماحدث يوم الاثنين=ياما على راسي يهال الترابي

***
**
*


14:احلام ليل




صدفه بلا ميعاد جيته وجتني=وصدفه بلا موعد معاها تلاقيت
مديت يدي يمها وصافحتني=وليتي سلمت ولالها اليد مديت
حسيت انا في شي يوم امسكتني=شي(ن)كما الكهرب نتلني وفزيت
فزيت ليانا نايم(ن)ماوتتني=في غرفتي لاجت بيمي ولاجيت
ولعت انا اللمبة وقلت اتركتني=وقفت انا حاير وبالصوت ناديت
اخذت ساعه واقف(ن)واشغلتني=وشككت انا باالي جرالي وشكيت
احلام ليل عن المنام حرمتني=ليته حقيقة مع حبيبي تلاقيت

***
**
*


15:قلت اتصل




قلت اتصل قال اتصالي قضيت=تثير شك الناس والي معادين
بس ابتعد لاتشمت الناس فيه=خلك بعيد وماحصلي يكفين
قلت آه لو دونك حياض المنه=لاآجيك والي قدرالله يآتين
مادام تشوف العين والروح حيه=عن شوفتك مايمنعوني حسودين
قال الفضيحه كيف ترضاء عليه=وتحكي بنا الالسن وحنا بريين
قلت الردا طبع النفوس الرديه=وحنا بعيد(ن)عن دروب الرديين
القصد اشوفك والنوايا بريه=وحب الشرف قبلي مشوبه شريفين

***
**
*



16:الناس تزرع




احد(ن) شقي يلتاع ياطول الليل=تكثرهواجيسه ويزداد ويله
واحد(ن) سعيد بس يبغاى التعاديل=يفرح ويستانس ليا طال ليله
وانا الذي وقتي عذاب وغرابيل=زود(ن) علىالغربة حياتي ذليله
ماشفت في دنياي غير البهاذيل=حتى على الصدقان شفت الخذيله
خاب وخسر ظني بعض الرجاجيل=خانوا عقب عشرة سنين(ن)طويله
عقب الصداقه صار باالامر تدبير=وصارت مواصيل اللقاء مستحيله
وقلبي غدا للهم باب و مداخيل=لاراح هم(ن) حل هم(ن) بديله
الناس تزرع لاجل تجني محاصيل=وانا الذي يزرع وصفر(ن)حصيله


***
**
*


17:سئلت بالهاتف





مالوم صدري لوتضايق وانا ضقت=دام الفضاء رغم اتساعه على ضاق ياناصر من رحت أتصل ماتوفقت=حظ التعاسه ماسعى لي باالارفاق
سئلت باالهاتف عن الي له اشتقت=من زود ماباالقلب من ود واشواق قالوا حبيبك من وفاته مضى وقت=عنا وعنك بدل القرب بفراق
كذبت ماقالوا ورديت صدقت=وعند الكبينة طحت انا وسط الاسواق
بغيبوبتي مضيت يومين مافقت=والي فقد نصفه معذب ولو فاق
للموت من شي جرالي تشفقت=عفت الحياة وصرت للقبر مشتاق



شعر
منصور الرمالي
[/poet]





وسوف اكمل لكم ماتبقى له من قصائد





تقبلو تحياااااتي




ذيب اجاء

توقيع » ذيب اجاء
فايـز ليـا عقّـلـوا صــم الـرمـك فـايـز
.............مـن روس قـوم تحامـى دون لازمـهـا
هو محزمي لا غدا سفـك الدمـا جايـز
.............لاقامـت القـوم تعبى لـي محازمـهـا
شعر
ناصرالفراعنه
للتواصل والمراسله

  رد مع اقتباس
قديم 21-10-2002, 05:13 AM   رقم المشاركة : ( 2 )
اللحيدان
عضو


الملف الشخصي
رقــم العضوية : 243
تـاريخ التسجيـل : Oct 2002
العـمـر :
الاقامة :
المشاركات : 11
عدد النقاط : 10

اللحيدان غير متصل

كاتب الموضوع : ذيب اجاء المنتدى : ديوان الشعر المنقول
مشكور اخوي ذيب اجاء على هالقصايد الرايعه للشاعر المرحوم منصور الرمالي
وننتظر الباقي انشاء الله..........




فمان الشعر...

توقيع » اللحيدان
الا ومع هذا لك الله لنا كار### عن جارنا ما قط نخفي الطريفه
نرفي خماله رفيه العش بالغار### ونودع له النفس القويه ضعيفه
ولانبدي الخافي الى صار ما صار### يفلج قصير البيت لو بان حيفه

  رد مع اقتباس
قديم 24-10-2002, 06:24 AM   رقم المشاركة : ( 3 )
ALWLHAN999
عضو

الصورة الرمزية لـ ALWLHAN999

الملف الشخصي
رقــم العضوية : 254
تـاريخ التسجيـل : Oct 2002
العـمـر :
الاقامة : الرياااااااااض
المشاركات : 1,103
عدد النقاط : 851

ALWLHAN999 غير متصل

كاتب الموضوع : ذيب اجاء المنتدى : ديوان الشعر المنقول


مشكور اخوي على المنوعات الرائعة للشاعر / منـصـور بـن سـعــدي بـن رجــاء ألــرمـالـــي الشمري



وصح لساااااااااااااااااانك ولسانه ولا عدمناااااااااااك يالغالي وتسلم يمناك اللي

نورتنا بهالموضوع ...............
الصور المرفقة
نوع الملف : gif يُçن.gif (15.9 كيلو بايت, 54 قراءة)

توقيع » ALWLHAN999

©~®§][©][ أخوكم / فيصل بن عبدالله بن نجيفان ][©][§®~©
[RAM]http://www.dwaihi.com/25sy4.ram[/RAM]
العشق يابنت مايرحــم ،،،،،،،

  رد مع اقتباس
قديم 27-10-2002, 12:40 PM   رقم المشاركة : ( 4 )
حـاكم العلي
مستشار اداري


الملف الشخصي
رقــم العضوية : 5
تـاريخ التسجيـل : May 2002
العـمـر :
الاقامة :
المشاركات : 8,304
عدد النقاط : 162

حـاكم العلي غير متصل

كاتب الموضوع : ذيب اجاء المنتدى : ديوان الشعر المنقول
أخي ذيب أجا
لقد سئلت هذا السؤال الذي أحوله لك:
(سمعت عن قصيدة لشاعر اسمه منصور الرمالي يرد على واحد سب شمر والقصيدة طويله تقريبا" ((140 بيت)) فمن عنده هالقصيده ارجو تزويدنا به

وهذا بيت من القصيده

من ذاك اليوم سمينا الطنايا طنايا ما نهاب ليا طنينا)
أتمنى أن يجد عندك إجابة شافيه
  رد مع اقتباس
قديم 27-10-2002, 06:19 PM   رقم المشاركة : ( 5 )
عبدالله الصاهود


الملف الشخصي
رقــم العضوية : 199
تـاريخ التسجيـل : Sep 2002
العـمـر :
الاقامة : وطن الغربة والاحزان
المشاركات : 2,039
عدد النقاط : 851

عبدالله الصاهود غير متصل

كاتب الموضوع : ذيب اجاء المنتدى : ديوان الشعر المنقول
الله يعطيك العافيه يا ذيب اجا.......

ابشر ياذعار اذا مهي عند الذيب تراه عندي........

توقيع » عبدالله الصاهود



[poet font="Arabic Transparent,4,red,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
احذر الصاهود واحذر فعله
لا تعاند من اذا قال فعل


اهداء لمن يعرف نفسه جيدا

[/poet]

  رد مع اقتباس
قديم 12-11-2002, 06:14 AM   رقم المشاركة : ( 6 )
ذيب اجاء
شاعر الديوانية

الصورة الرمزية لـ ذيب اجاء

الملف الشخصي
رقــم العضوية : 198
تـاريخ التسجيـل : Sep 2002
العـمـر :
الاقامة :
المشاركات : 321
عدد النقاط : 10

ذيب اجاء غير متصل

كاتب الموضوع : ذيب اجاء المنتدى : ديوان الشعر المنقول
هلابك اكثر



وشاكر لك مرورك على



المشاركه






الف شكر




تحياااتي







.

توقيع » ذيب اجاء
فايـز ليـا عقّـلـوا صــم الـرمـك فـايـز
.............مـن روس قـوم تحامـى دون لازمـهـا
هو محزمي لا غدا سفـك الدمـا جايـز
.............لاقامـت القـوم تعبى لـي محازمـهـا
شعر
ناصرالفراعنه
للتواصل والمراسله

  رد مع اقتباس
قديم 14-11-2002, 02:47 PM   رقم المشاركة : ( 7 )
الملتاع


الملف الشخصي
رقــم العضوية : 275
تـاريخ التسجيـل : Nov 2002
العـمـر :
الاقامة :
المشاركات : 71
عدد النقاط : 10

الملتاع غير متصل

كاتب الموضوع : ذيب اجاء المنتدى : ديوان الشعر المنقول
يسلموو يا ذيب ويعطيك الف عافيه على هالمجهود المتميز ....
وقصائد المرحوم كثيره وجميله لعلك تقراء احداها في موضوعي المرفق ولك جزيل الشكر ..

اخوك : الملتاع

توقيع » الملتاع
خاطبني حكيمٌ ذات مساء فقال لي:
إن أفضل [ جندي ]هو الذي لا [ يقاتل ],
و [ المقاتل ] المتمكن هو الذي [ ينجح بلا عنف ]،
وأعظم [ فاتح ]هو من [ يكسب ] دون حرب،
وأنجح[ مدير ]يقود [ دون إصدار الأوامر ] ,
إن هذا ما يسمى [ ذكاء عدم الهجوم ]،
وما يطلق عليه: [ سيادة الرجال ]

  رد مع اقتباس
قديم 17-11-2002, 07:31 PM   رقم المشاركة : ( 8 )
عبدالله الصاهود


الملف الشخصي
رقــم العضوية : 199
تـاريخ التسجيـل : Sep 2002
العـمـر :
الاقامة : وطن الغربة والاحزان
المشاركات : 2,039
عدد النقاط : 851

عبدالله الصاهود غير متصل

كاتب الموضوع : ذيب اجاء المنتدى : ديوان الشعر المنقول
اخي العزيز ذيب اجا....

بعد التحيه والاحترام...

بما انك صاحب السبق بهذا الموضوع....

انا استئذنك باضافة قصائد اخرى للشاعر منصور الله يرحمه....

واذا ودك ارسلها لك على الايميل وانت بدورك تشوف المناسب وتطرحه...

تقبل تحياتي...

توقيع » عبدالله الصاهود



[poet font="Arabic Transparent,4,red,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
احذر الصاهود واحذر فعله
لا تعاند من اذا قال فعل


اهداء لمن يعرف نفسه جيدا

[/poet]

  رد مع اقتباس
قديم 17-11-2002, 08:01 PM   رقم المشاركة : ( 9 )
ذيب اجاء
شاعر الديوانية

الصورة الرمزية لـ ذيب اجاء

الملف الشخصي
رقــم العضوية : 198
تـاريخ التسجيـل : Sep 2002
العـمـر :
الاقامة :
المشاركات : 321
عدد النقاط : 10

ذيب اجاء غير متصل

كاتب الموضوع : ذيب اجاء المنتدى : ديوان الشعر المنقول
هلا وغلا بك وبمرورك الكريم



لاهنت اخوي




تقبل




تحياااااا تي



الذيب

توقيع » ذيب اجاء
فايـز ليـا عقّـلـوا صــم الـرمـك فـايـز
.............مـن روس قـوم تحامـى دون لازمـهـا
هو محزمي لا غدا سفـك الدمـا جايـز
.............لاقامـت القـوم تعبى لـي محازمـهـا
شعر
ناصرالفراعنه
للتواصل والمراسله

  رد مع اقتباس
قديم 17-11-2002, 08:06 PM   رقم المشاركة : ( 10 )
ذيب اجاء
شاعر الديوانية

الصورة الرمزية لـ ذيب اجاء

الملف الشخصي
رقــم العضوية : 198
تـاريخ التسجيـل : Sep 2002
العـمـر :
الاقامة :
المشاركات : 321
عدد النقاط : 10

ذيب اجاء غير متصل

كاتب الموضوع : ذيب اجاء المنتدى : ديوان الشعر المنقول
هلا والله وغلا بك

واسعدني مرورك


لاهنت



وابشر اخوي القصيده اللي طلبت موجوده


وبالجزء الثاني من قصائد المرحوم منصور

رايح تقراه


تقبل



تحيااااااتي





الذيب

توقيع » ذيب اجاء
فايـز ليـا عقّـلـوا صــم الـرمـك فـايـز
.............مـن روس قـوم تحامـى دون لازمـهـا
هو محزمي لا غدا سفـك الدمـا جايـز
.............لاقامـت القـوم تعبى لـي محازمـهـا
شعر
ناصرالفراعنه
للتواصل والمراسله

  رد مع اقتباس
إضافة رد
مواضيع ذات صلة للموضوع: قصائد الشاعر /منصور بن سعدي الرمالي كامله /ينقلها لكم ذيب اجاء
الموضوع الكاتب المجلس المشاركات المشاركة الأخيرة
صورة.... الشاعر منصور بن سعدي الرمالي السلطانه ديوان الصحافة و الإعلام 58 02-11-2007 05:56 AM
منصور بن سعدي الرمالي يرد على هايف المطيري فهد العاطفي ديوان الشعر المنقول 8 31-10-2007 05:20 PM
بعض من ديوان ( منصور بن سعدى الرمالى ) رحمه الله الحلقة(2) ابو مازن ديوان الشعر المنقول 10 07-06-2007 06:10 AM
بعض قصائد ( منصور بن سعدى الرمالى ) رحمه الله السلطانه ديوان الشعر المنقول 25 02-04-2007 12:58 AM



زوار هذا الموضوع الآن : 1 (0 عضو و 1 ضيف)
 
أدوات الموضوع

ضوابط المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : نشيط
كود [IMG] : نشيط
كود هتمل : خامل

الانتقال السريع


التوقيت حسب جرينتش +4. الساعة الآن 01:52 AM.


Powered by: vBulletin® Version 3.8.3 Copyright ©2000-2014, Jelsoft Enterprises Ltd.
Translated By vBulletin®©2000-2014
المقالات والمواضيع في ديوانية شمر لا تعبر بالضرورة عن رأي ديوانية شمر ، بل هي وجهات نظر لكتّابها
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53