اقرب شاعر .... خلوووووووووهاااااااااااا .....؟؟؟

[محمد المغري]

السلام عليكم ورحمة الله وبركاته
أسعد الله أيامكم ولياليكم بالخير والمسرات

دخلت قسم المحاورة ولأنني من عشاق شعر القلطة حبيت أبدا بالطاروق التالي للجميع أقرب شاعر لا هنتواااااا جميعا .

سلام ردية على أهل الذوق والمنطوق كاش = يقولها اللي لا بدا جزل البيوت يسدها
اقولها واللي من الشعار في عظمة هشاش = حذراه لا يبلش مع جزر البحور ومدها

[همام العبيد]

00000000000000000000000000000











عليك مردود السلام وهاجسي بالرد جاش= شرب شراب مهيٍل يوم المعاني شدها لقيت بحرك يامحمدهايجٍ مابه نقاش=بس بالمحيط الاطلسي برمودا خافي عمدها

[فهد مشعل الشمري]

صح السانكم جميع

متابع بقوووووووووووووووووه

[ظيغميه وطعوني قويه]

والظيغميه مشجعه وتقول للموضوع عاش+ والنعم بمحمد ومحلا بيوته الي عدها
ونق القصيد الي الامنه سمعه الراس شاش+والكلمه الي تستحي منه يقولو بدها
ولاتنتقد شعري انا ياخوك بالردي غشاش+وقصايدك مستسلمه اسكت وماني قدها
.................................................. .................................................. ....
(تقبل تحياتي والاول مره اشارك بمحاوره )معني والحمد لله من الشعر متمكنه الرجو ان تعجبك مع انها مو من قد المقام

[محمد المغري]

الله الله همام العبيد

ارحب ارحب

استلم لا هنت

همام يا همام والطاروق سكر بلا غراش = وأنا تنومسني طواريق ٍ ينومس عدّها
حياك يا رمز الجزاله يا كذا وإلا بلاش = لكن جد الصاملات من المعاني جدّها

[محمد المغري]

أخوي فهد

صح بدنك ولا هنت

تقبل التحية

[محمد المغري]

الأخت ظيغميه

الله الله

صح لسانك أبيات جزله وابد طيبة ما يجي منك الا الطيب

يشرفنا متابعتك

همام يا همام سرى ليلك ههههههههههه

تقبلوا التحية

[عبدالله الضبعان]

الله الله يالمغري وياهمام

طاروق مشعلل

صحت ألسنتكم

ومتابعين لكم

[طلال فهد الشمري]

صح الله السنتكم ياشعرائنا
همام&محمد

طاروق رائع وشعر اروغع
متاااااااااابع

تحيتي

[محمد المغري]

الأخ عبد الله الضبعان

يا مرحبا ومسهلا

حياك الله يشرفنا متابعتك

تقبل التحية

[محمد المغري]

طلال فهد الشمري

أشكرك من رقي ذوقك

ويشرفني متابعتكم

تقبلوا التحية

[همام العبيد]

وليانفتح باب الضيافة انفتح باب القراش= واللي يمالح مايضيم الناس لو هو ندها
- التيه يلزم من غفل بالليل عن فتح الفلاش= كل الصور فيه غباب ابناه يلزم هدها

[فهد مشعل الشمري]

صح الله لسانك اخ همام

وصح الله لسان الشاعر محمد المغري

[محمد المغري]

الله الله أستلم لا هنت
سرى ليلك

واليا أنقفل باب الضيافة راس ظبي بلا عراش = بشوت الزعامة ما تفصل كود للي قدها
وأن صاح صيّاح الضحى هبيت يا مربي الكداش = بنت الكحيلة بالمهار القب عسر ٍ شدها

[عبدالله الضبعان]

الله عليكم

عزالله طاروق يطرب

صحت السنتكم وواصلو

متابعين لكم

[فهد مشعل الشمري]

الغالي ابو مطلق

محمد المغري



ابداع بلاحدود


صح الله لسانك

[همام العبيد]

غرّه غرير مايغير ماله أثر وقت المهاش=
مغري كثير من البشر الموجبه مامدها=
يامن درى وش كسبنا اعطوه تدريس ٍ بلاش=
لاجل تهنى بالغنج لامن تمكيج خدها =

[محمد المغري]

والله ما ادري ويش اسوي فيك يالعود الهشاش = هوج الرياح العاتية حذراك تاقف ضدها
يا مدوّر المهرة ترى المهرة عليكم طاش طاش = أما تهون عنّها وإلا قطعنا يدّها

[طلال فهد الشمري]

لله دركم

والله مبدعين

[همام العبيد]

حياك يامحمــــــد
--------------



بعض العرب لامن تعب نسقيه لاحس بعطاش
يااكيف ابسقي مرتوي والقب شام وشــدها
خيولنا كان ارجعن رداتهن مثل الرهـــاش
لايلحقك شي لــحق منهو تلوّن وجدها

[فهد مشعل الشمري]

صح الله لسانك اخوي همام

متابع بقوووووووووووووه

[لمى]

خلووووووووووووووووووووووهاااااااااا
لا لا لا لا
كملووووووووووووووووووووهااااااااا
متابعتكم :)

[محمد المغري]

الفارس اللي ما أنهزم ولامع الفريس هاش = هذه أمانه معك يا همام خذها ودها
أما ضبطت القافية ... والا ترى مالك معاش = هذي سلوم ٍ مع هل القلطات ناقف حدها

[همام العبيد]

والله ما ادري ويش اسوي فيك يالعود (الهشاش) = هوج الرياح العاتية حذراك تاقف ضدها
000000000
اقولها واللي من الشعار في عظمة (هشاش) = حذراه لا يبلش مع جزر البحور ومدها
!!!!!!!! ؟
-------------------
الطالب اللي ساوره افكار فيها ارتباش=
ماشاف شيٍ ماخفى في هشهشات معدّها=
العين لامن صابها كثر الترفرف والرماش=
لاتحسبه حظ السعد لادنى طبيب مردّها=

[عويد المغيليث]

رااااااااااااااااااااااائعين
وصحت السنتكم جميعا
دمتم بخير

[محمد المغري]

الطالب اللي ساوره افكار فيها ارتباش=ماشاف شيٍ ماخفى في هشهشات معدّها
==================
الله كفل رزق الخلايق سبع وذياب وخشاش = هذي بنايه يا عميلي ما بغيت أهدها
أضبط( وزن ) وأنت تخزن وإلا تجمع لك قشاش = أبيوتك اللي وزنها مكسور ليه تعدها

[منوخ العمودي]

صح السان الشعار

محاوره رائعه جدٍ

[همام العبيد]

الطالب اللي ساوره افكار فيها ارتباش
1o11o1o1o11o1o1o11o1o1o11o1o1
مستفعلن مستفعلن مستفعلن مستفعلن .
------------------------------
أضبط( وزن ) وأنت تخزن وإلا تجمع لك قشاش
1o11o1o1o11o1o1o11o1o1o11o1o1
مستفعلن ، مستفعلن ، مستفعان ، مستفعلن .. وهو على بحر ( الرجز )
وماذا بعد ؟ !!
-------------------------------
0000000000000000000000000000000000000000000
حياك يالمغري
00
ارسي وتد . وانت تعجن والبحر صاير به نشاش=
اسماك بحرك جوّعت بالعون روح وغدّها=
الله امرنا بالعمل ماقال نم بدنى فراش=
واللي كتب لك تكسبه واللازمه ماتشدها=

[طلال فهد الشمري]

مبدعين ماشاء الله عليكم

صحت السنكم

[همام العبيد]

السلام عليكم ورحمة الله وبركاته
---------
أخي محمد المغري : أقدم شكري لشخصك الكريم .
أنا سعيد باللعب معاك وكانت رديّة حلوه ، ويعلم الله ان محاورتي معك تعتبر أول محاورة أقوم بها بحياتي ،سواء بالنت أو غيره ، ولكنني سعيد بها ، وأقدم اعتذاري عن أيّ قصور بالاسلوب وغيره، وأشرك على تحملك لنا .
----------
أشكر كل من شارك وأثنى علينا وشجعنا .
-----------
تقبلوا جميعاً خالص تحياتي وتقديري ،،