ولد عدي
21-04-2003, 06:59 AM
بأسم الحب فأذا كان الحب من القلب فبأسم القلب فأذا كان القلب من الروح فبأسم الروح فأذا كانت الروح من الرحمن فبسم الله الرحمن الرحيم.
هذه القصيده للشاعر :سميحان العرجاوي الشمري والمتوفى رحمه الله في محافظة الشنان في منطقة حائل سنة 1409هـ وقال القصيده هذه في ابنه هزاع وهي قصيده ونصيحه شامله لكل جوانب الحياة واتشرف بنقلهى الى الديوانيه واليكم القصيده0
يالله ياللي كل عين تراعيـــــــك = ياعايد عقب المحل بالوسومي
أرجيك انا ونى متين الرجا بيــك = يالله يامنشي ثقيل الغيومــي
ربك ليا حبك من الرزق يعطيــــك = مده ولا مد اليدين الكظومـــي
وليا صفطلك حط رزقك تواليــــك = قسمك يحطه من خيار القسومي
ياصار انا عبدك واخافك وراجيك = مد العرب يقضي ومدك يدومـــي
أطلبك من رزقك ومنقح يدي ليك = يالله يارزاق طير يحومـــــــــــي
يالله لا تفلت يدي من عراويـــــك = متجودبك واطلبك كل يومـــــي
اللي نوالك لوتجنبه ياتيــــــــــك = يقضب ملاقيفك وبالردن يومـي
وأن شح برزقك يقطع عوانيـــك = مثل الضعيف اللي بصدره يهومي
وشعاد لو تركض بركضك يعنيك = ما ينفعك ركضك ونط الرجومــي
أرجيك ياهزاع لاخاب راجيـــــك = عند الكبر باغيك تنقل همومــــي
حقك علي يوم اللوازم محاضــيك = ومن سهركم ماتقبل العين نومــــي
أخاف انا تزل نفسك وابديــــــك = ومدللك يامى عرفت السلومـــــــــي
أبي ليا قالولك العود يدعيـــــك = وأبي ليا صوت عجل تقومــــــــــي
واليوم والله مادري عن مهاجيك = حكمك علينا حاكم حكم رومــــــــي
لوأنت طير تبحل الي صقر بيــك = مادري تصيد الصيد والى تحومـــي
لا تضيع اللي هاقي هقوته فيك = أنك تصير من العيال القرومـــــــي
أن جاء برد صاطي ابي اتقي فيك = وأبيك ظلاللي بحر السمومــــــــي
وليا زعلت ألعنك وألعن مواليك = لوأنت والله بالغلا مثل نومــــــــي
والله انا أزعلتك وشفت الغضب فيك = كني عن الزاد المسوى معصومي
وليله تغابه تسهر العين وأرجيك = وليا غملجت كن فيها هزومـــــــي
وليله يجيني مبشر ويبشرن فيك = عيني تنام وتوه الذ نومــــــــــــي
وأن رحت مني راح قلبي يباريك = ويوم تجي به قلت مأحلاك يومـــي
أبيك تقبل لي وصاة وأوصيك = من جنبه تطلع عليه النجومــــــــي
خويك اللي بالمماشى يباريك = ماقال لك قل تم هرج لزومــــــــي
وثاني وصاة أودعك وبوصيك = من قبل أنا يابوك ياتين يومــــــي
بنت الردى لا تاخذه لو تراعيك = لو كان عسلوج حسين الرقومـــي
اليا اعجبك زينه وبالزين تغويك = وأحذرك ياهزاع بنت الرخومــــــي
يأتي ولدها بالكبر مايحاضيك = يأتيك عفن مابرايه يهومـــــــــــي
من عش بوم جادبه مايراعيك = وعزي لمن يصقر بفرخ بومــــــــي
تقول له من يوم شفنا مهاجيك = غادين لخاله بالفعول معدومــــــــي
لوهو جنينك قلتله لا هلا فيك = نوك تحسف تلحق النفس لومــــــــي
عليك ببنت الي ولدها يعشيك = يأتي ولده بس مر يزومــــــــــــــي
ياقف على الطيه ويدحم معاديك = وبالغيض مايصبر للمس الخشومــــي
وليا وردت الماء من العد يسقيك = يرويك جم وذود ضدك يحومــــــــي
وثالث وصاة أودعك وبوصيك = أبيك عن عرق القطاعه تشومـــــــي
عرق القطاعه لو غذيته يخليك = ياصرت عود ثابي ماتقومــــــــــي
عند الكبر يملك حلالك وياليك = ويسقيك من غبن الليالي همومـــي
كل يقول بضنوتك عزتيلك = عليك برق الريش فوقك تحومــــــي
ومن غير نفعي تنفع اللي حواليك = وصديقك المعتاز لازم لزومـــــــــي
أبيك ماتلقيه مقرن علابيك = أقضب يده شدده يما يقومــــــــي
وأبيك ترفى خملته لو يناحيك = يأتي معك ياجا من الناس قومـــي
يغضب عدوك باللوازم ويرضيك = وليا زحمك مزحوم ذب الهدومـــــي
والضيف ليا جاء يم بيتك وناصيك = رحب بضيفك جعل عمرك يدومـــــي
كمل قراةوقله الله يحييك = يعل يفداك الصبي البحومــــــــــــي
وسولف عليه وونسه في دواديك = ياما تنام وتقبل العين نومــــــــــــي
وأبيك طير تعجب الي صقر فيك = مخالبه من كثر الادلا دقومـــــــــــــي
وأبيك طير يترس الخرج راعيك = ليا أعرض لك الجرم براسه تعومـــــي
وأن دوبحن لك تجدع اللي تواليك = تخلي بثاث الريش مثل الهدومــــــــي
ليا شفت فعلك قلت أنا مسعد فيك = لا واهني صار طيري غشومـــــــــي
والله فلا أرخص بك والله فلا أعطيك = والله فلا أبيعك لرجل يسومـــــــي
ربيع قلبي شوف زولك وطاريك = مثل ربيع البل بحزم القسومـــــــي
وقصيرك اللي منزله من تواليك = بالحق بد أمه على أمك لزومــــــــي
أخته وبنته لازم مثل أناثيك = وأحذرك هرج مولفين العلومــــــــي
ياصار عنهن غايب وامنن فيك = عينن تراعيهن عطاه الهزومـــــــــي
ورجل تمشى بالخطالامن فيك = تعطى الشلل رجله لاجل مايقومــــي
وترى الاناثي بالمحابيل ترميك = ترميك في حفر منه ماتقومــــــــــي
تطلع جدايلها وللنهد توريك = لوأنت سيف صار بحده تلومــــــــي
عند العرب ترخص وتكثر بلاويك = مثل الدنس يدمر جديد الهدومــــــــي
والفرق باللي يطري النعم يطريك = واللى العرب كله عليهم هدومـــــي
وقم بالحلال اللي عن الناس يغنيك = اللي عن العازات يقضي اللزومــي
ليا كثر مالك ترى الناس تغليك = وليا جيت كل عن مكانه يقومـــي
وليا قل مالك ضعت محد مراعيك = لوأنت قبل ماضيلك علومــــــــي
لابد من يوم أقفي وأخليك = أقفي ولالي في حلالك لزومـــي
تقفي عني وأقفي وانا مشفين فيك = زين أن حصل خب على محزومي
لو قلت زود خامته قال ييزيك = ومفصله حطه قصيف الكمومـــــي
وحطوك في لفج وحول يواسيك = في مرقد من مجضعك ما يقومي
ربك ليا حبك من النار ينجيك = وعساي عند ربي حسين الختومي
وسلامتكم اخوكم:ولد عدي]
الاخ العزيز ولد عدي سجل اعجاب بروعت ماقلت صح لسانك وصح لسان الشاعر المغفور له باذن الله سميحان العرجاوي الشمري ..
ولايهمك وانشاء الله التنسيق مرضي..
اخوك ابن ضيغم
هذه القصيده للشاعر :سميحان العرجاوي الشمري والمتوفى رحمه الله في محافظة الشنان في منطقة حائل سنة 1409هـ وقال القصيده هذه في ابنه هزاع وهي قصيده ونصيحه شامله لكل جوانب الحياة واتشرف بنقلهى الى الديوانيه واليكم القصيده0
يالله ياللي كل عين تراعيـــــــك = ياعايد عقب المحل بالوسومي
أرجيك انا ونى متين الرجا بيــك = يالله يامنشي ثقيل الغيومــي
ربك ليا حبك من الرزق يعطيــــك = مده ولا مد اليدين الكظومـــي
وليا صفطلك حط رزقك تواليــــك = قسمك يحطه من خيار القسومي
ياصار انا عبدك واخافك وراجيك = مد العرب يقضي ومدك يدومـــي
أطلبك من رزقك ومنقح يدي ليك = يالله يارزاق طير يحومـــــــــــي
يالله لا تفلت يدي من عراويـــــك = متجودبك واطلبك كل يومـــــي
اللي نوالك لوتجنبه ياتيــــــــــك = يقضب ملاقيفك وبالردن يومـي
وأن شح برزقك يقطع عوانيـــك = مثل الضعيف اللي بصدره يهومي
وشعاد لو تركض بركضك يعنيك = ما ينفعك ركضك ونط الرجومــي
أرجيك ياهزاع لاخاب راجيـــــك = عند الكبر باغيك تنقل همومــــي
حقك علي يوم اللوازم محاضــيك = ومن سهركم ماتقبل العين نومــــي
أخاف انا تزل نفسك وابديــــــك = ومدللك يامى عرفت السلومـــــــــي
أبي ليا قالولك العود يدعيـــــك = وأبي ليا صوت عجل تقومــــــــــي
واليوم والله مادري عن مهاجيك = حكمك علينا حاكم حكم رومــــــــي
لوأنت طير تبحل الي صقر بيــك = مادري تصيد الصيد والى تحومـــي
لا تضيع اللي هاقي هقوته فيك = أنك تصير من العيال القرومـــــــي
أن جاء برد صاطي ابي اتقي فيك = وأبيك ظلاللي بحر السمومــــــــي
وليا زعلت ألعنك وألعن مواليك = لوأنت والله بالغلا مثل نومــــــــي
والله انا أزعلتك وشفت الغضب فيك = كني عن الزاد المسوى معصومي
وليله تغابه تسهر العين وأرجيك = وليا غملجت كن فيها هزومـــــــي
وليله يجيني مبشر ويبشرن فيك = عيني تنام وتوه الذ نومــــــــــــي
وأن رحت مني راح قلبي يباريك = ويوم تجي به قلت مأحلاك يومـــي
أبيك تقبل لي وصاة وأوصيك = من جنبه تطلع عليه النجومــــــــي
خويك اللي بالمماشى يباريك = ماقال لك قل تم هرج لزومــــــــي
وثاني وصاة أودعك وبوصيك = من قبل أنا يابوك ياتين يومــــــي
بنت الردى لا تاخذه لو تراعيك = لو كان عسلوج حسين الرقومـــي
اليا اعجبك زينه وبالزين تغويك = وأحذرك ياهزاع بنت الرخومــــــي
يأتي ولدها بالكبر مايحاضيك = يأتيك عفن مابرايه يهومـــــــــــي
من عش بوم جادبه مايراعيك = وعزي لمن يصقر بفرخ بومــــــــي
تقول له من يوم شفنا مهاجيك = غادين لخاله بالفعول معدومــــــــي
لوهو جنينك قلتله لا هلا فيك = نوك تحسف تلحق النفس لومــــــــي
عليك ببنت الي ولدها يعشيك = يأتي ولده بس مر يزومــــــــــــــي
ياقف على الطيه ويدحم معاديك = وبالغيض مايصبر للمس الخشومــــي
وليا وردت الماء من العد يسقيك = يرويك جم وذود ضدك يحومــــــــي
وثالث وصاة أودعك وبوصيك = أبيك عن عرق القطاعه تشومـــــــي
عرق القطاعه لو غذيته يخليك = ياصرت عود ثابي ماتقومــــــــــي
عند الكبر يملك حلالك وياليك = ويسقيك من غبن الليالي همومـــي
كل يقول بضنوتك عزتيلك = عليك برق الريش فوقك تحومــــــي
ومن غير نفعي تنفع اللي حواليك = وصديقك المعتاز لازم لزومـــــــــي
أبيك ماتلقيه مقرن علابيك = أقضب يده شدده يما يقومــــــــي
وأبيك ترفى خملته لو يناحيك = يأتي معك ياجا من الناس قومـــي
يغضب عدوك باللوازم ويرضيك = وليا زحمك مزحوم ذب الهدومـــــي
والضيف ليا جاء يم بيتك وناصيك = رحب بضيفك جعل عمرك يدومـــــي
كمل قراةوقله الله يحييك = يعل يفداك الصبي البحومــــــــــــي
وسولف عليه وونسه في دواديك = ياما تنام وتقبل العين نومــــــــــــي
وأبيك طير تعجب الي صقر فيك = مخالبه من كثر الادلا دقومـــــــــــــي
وأبيك طير يترس الخرج راعيك = ليا أعرض لك الجرم براسه تعومـــــي
وأن دوبحن لك تجدع اللي تواليك = تخلي بثاث الريش مثل الهدومــــــــي
ليا شفت فعلك قلت أنا مسعد فيك = لا واهني صار طيري غشومـــــــــي
والله فلا أرخص بك والله فلا أعطيك = والله فلا أبيعك لرجل يسومـــــــي
ربيع قلبي شوف زولك وطاريك = مثل ربيع البل بحزم القسومـــــــي
وقصيرك اللي منزله من تواليك = بالحق بد أمه على أمك لزومــــــــي
أخته وبنته لازم مثل أناثيك = وأحذرك هرج مولفين العلومــــــــي
ياصار عنهن غايب وامنن فيك = عينن تراعيهن عطاه الهزومـــــــــي
ورجل تمشى بالخطالامن فيك = تعطى الشلل رجله لاجل مايقومــــي
وترى الاناثي بالمحابيل ترميك = ترميك في حفر منه ماتقومــــــــــي
تطلع جدايلها وللنهد توريك = لوأنت سيف صار بحده تلومــــــــي
عند العرب ترخص وتكثر بلاويك = مثل الدنس يدمر جديد الهدومــــــــي
والفرق باللي يطري النعم يطريك = واللى العرب كله عليهم هدومـــــي
وقم بالحلال اللي عن الناس يغنيك = اللي عن العازات يقضي اللزومــي
ليا كثر مالك ترى الناس تغليك = وليا جيت كل عن مكانه يقومـــي
وليا قل مالك ضعت محد مراعيك = لوأنت قبل ماضيلك علومــــــــي
لابد من يوم أقفي وأخليك = أقفي ولالي في حلالك لزومـــي
تقفي عني وأقفي وانا مشفين فيك = زين أن حصل خب على محزومي
لو قلت زود خامته قال ييزيك = ومفصله حطه قصيف الكمومـــــي
وحطوك في لفج وحول يواسيك = في مرقد من مجضعك ما يقومي
ربك ليا حبك من النار ينجيك = وعساي عند ربي حسين الختومي
وسلامتكم اخوكم:ولد عدي]
الاخ العزيز ولد عدي سجل اعجاب بروعت ماقلت صح لسانك وصح لسان الشاعر المغفور له باذن الله سميحان العرجاوي الشمري ..
ولايهمك وانشاء الله التنسيق مرضي..
اخوك ابن ضيغم