عــواد اللي تحداني يجاكـــــــر ؟؟؟؟؟؟؟

[محمد ابن مزيريب]

الموال

نبي نحارب ونكسر كل ماكر= عواد اللي تحدانـــي يجاكـــر
اهزك ياوليدي اليوم وباكر = على شاطى البحر ترسي السفينه
الطاروق
عواد اليوم اهزه= ياقف ولساني يكزه
ولحيتك راح اجزه = واليل ساري ساري
انا من دون اصحابي = عندي قرنين ونابي
والعقرب مثل الدابي = واليل ساري ساري

[الجـــرّاح]

صح لسااااااااااانك وعلى شااانك .

أنا بصفك يالذيب ..


ننتظر شااعرنا ابو صالح .

[أبو محمد]

أخي الكريم: ذيب

طلعت منت ذيب بالنظم هذا
انا من دون اصحابي ..... عندي قرنين ونابي
وش تشبه نفسك به ..؟
صراحة ما جاز لي و خانك التوفيق و نتمنى في أنك تجيب لنا شعر صحيح في المرات الجاية

[مخاوي الاحزان]

حياك ذيب

صح السااانك

[بندرالشرعان]

مشكور اخوي وصــــــــــــــــــح لســـــــــــــــــــانك

[عوادالعلي]

خلوها

موال

انا في موقعي من قبل تلفي=ومهما صار تبقى دوم خلفي
ولو تاصل سيوف وضرب شلفي=على شاطى البحر ضاعت سفينه


الطاروق

هذا الذي ناقصني=يدخل عريني حصني
وش حاجتك خلصني=والليل ساري ساري

اقدم ياراع القرني=ياللي جيت تحاورني
ياخالقي صبرني=واليل ساري ساري

[محمد ابن مزيريب]

الموال
شهـور طـوال مرت مـن سنـيني=وابـو صالح [طفـل] يـا شيب عينـي
ضعيف الباس ولا يقدر يـجيـني = على شاطى البحر ترسي السفينه


الطاروق

الحصني يابني موجود =مقابلني بالمحدود
ووجهـه ياعله ما يعود= واليل ساري ساري
قرني ترى ينطحكم= وكل مـره يلقحكــم
وانا ترى بانصحكم = واليل ساري ساري

[عوادالعلي]

آسف على التأخير

يالذيب واستلم لاهنت


موال

الا ياذيب يعجبني قصيدك=ولكن المعاند مايفيدك
رصيدي ربعه يغطي رصيدك=على موج البحر ضاعت سفينه


موال

والله يلولا اسمانا=والناس اللي ترانا

لااعلمك مسرانا =والليل ساري ساري

انا ناويلك ضربه=ياقوها ياقربه
اركد يامل الشربه=والليل ساري ساري

[محمد ابن مزيريب]

موال
انا خصمي هدمت بيته وكايد= تراني ذيـب وللـقـطـعان صايــد
رصيدك فلس قدامــي وزايد=على شاطي البحر مرسى السفينه
طاروق
وشهو اسمك يا هدام = اخو هدلا هو صدام
ومسرانا بحايل قدام = والليل ساري ساري
الرجل يمضي توه = زقاره تعــدل جــوه
ولا انت يابني بـوه ؟ =واليل ساري ساري

[عوادالعلي]

خلوووووووووها


موال

انا مابيني وبينك خصومه=وذيب الملعبه زانت علومه
مسوي حزب لااسقاط الحكومه=على موج البحر ضاعت سفينه

طاروق

اسمي ماهو مثل اسمك=وقسمي يفرق عن قسمك

ماني بلامس جسمك=والليل ساري ساري

الظاهر انك نشبه=من حركه يبلشبه
ياصاحبي من تشبه=والليل ساري ساري

[محمد ابن مزيريب]

موال
حكومه فاسده يابني وشينه = تغــر الشعب والحاشي يعينــه
وابو صالح غدى مثل المكينه= على شاطى البحر مرسى السفينه
طاروق
جسمي ياوليدي مجروح = وعلاجي انك ماتروح
هيفا خلتني مطروح =والليل ساري ساري
يشبهلي والله حسني .= يوم العرب ما تـثـني
ليه تخليني حصني ؟؟= والليل ساري ساري

[نجم ال علي]

صح لسانك ياعواد واهنيك على صبرك ياصبر القاع على ذيب المزيريب


<<< يشوف القصيد خذا منحى ماله داعي

[محمد ابن مزيريب]

نجم العلي

جزاك الله خير

[عوادالعلي]

خلوووووووووووووها


موال

عسى ربي يكثر من جنوسك=على ماقلت تستاهل نبوسك
الا ياذيب لاتكثر هجوسك=على شاطي البحر ضاعت سفينه

طاروق

كانك تبغى الصراحه=مثلك مكسب للساحه
كلآ يحط سلاحه=والليل ساري ساري

هذي تراها غلطه=اسلوب شعر القلطه
كلآ يسوي سلطه=والليل ساري ساري

[عوادالعلي]

الغالي

نجم ال علي

من سلبيات شعر المحاوره انك ربما لاتجد حلآ سوى معالجة الخطاء بالخطاء

والشاعر / ذيب المزيريب

عرف عنه الجزاله

ولكني استفزيته بأول رد

فنحن مشتركون بالخطاء

اشكرك على مرورك ولاهنت يالغالي

[نواف القعيط]

صح لسانكم
ذيب المزيريب
وعواد العلي
الله يعطيكم العافيه

متابع

[محمد ابن مزيريب]

موال

انا حظي تــردى يوم صبتك=وعنــدي قـول يـوم انـي عرفتك
انا معجب تراني يوم شفتك؟= على شاطى البحر ترسي السفينه

طاروق

البشر خير وطالح .= وعواد جعله فالح
يعزك يابو صالح .= واليل ساري ساري
نهايتنــا حزينـــه =ياجعل ايــامك زينــه
[ونجــم] حنا ندينـه؟؟ = والليل ساري ساري

[الجـــرّاح]

صح لساااااااانكم جميع ...
متابع وبشده ..

[عوادالعلي]

يا بعد وجهي يالذيب

والله انك على اسمك

الاخوه المتابعين صحت السنتكم

[راعي رفحاء]

شكر وافي لابن الذيب ـــــــــــ الطيب جا منه الطيب
يحفظكم علاّم الغيب ــــــــــــ والليل ساري ساري
شكرا لكم محاوره ومناوره جميلة شيقة ودمتم .

[قيس عبد المحسن]

مشكور اخوي الغالي محمد
اللة يعطيك العافية على هذا الابداع