لشمر الكويت .... ولامانع من دخول البقية

[بوشمر]

اسمحولي ياجماعه على اسم الموضوع بس انا قلت هالكلام لان شمر اللي بالكويت اهم اللي تخصهم الشغلة الا وهي:


الانتخابات


الكل يعرف ان الانتخابات على الابواب وان مرشحين قبيلة شمر خمس مرشحين في دائرة وحدة وهي الدائرة 19والكل يعلم ان شمر فقدت الكرسي من 25 عاما بعد ماكان المرحوم عبدالله الافي هو ممثل شمر في ذاك المجلس وتم فقدان الكرسي الى عام99عندما قام محمد الخليفة مرشح قبيلة شمر بالنجاح والان نجد ان هناك خمسة من مرشحين القبيلة يترشحون لي الانتخابات وهذا بالطبع يؤثر على المرشحين يعني بتشتيت الاصوات فمرشحين شمر الان هم :

1-محمد الخليفة الشمري.
2-سطام عبيد العيادة الشمري.
3-سالم مبارك الشمري.
4-بدر ناصر الشمري.
5-مرزوق محمد الشمري.

وهناك مرشح في الدائرة18 وهو حمود فليطح الموعد الشمري وهو نائب رئيس المجلس البلدي الحالي....

[السفير]

السلام عليكم اتمني ان ينجح من شمر اكثر من عضو بالانتخبا ت الجايه

وبعدين حنا ممكن ندعمكم معنويا فقط لانه ماعندنا جنسيه كويتيه وانتم فيكم البركة

ياهل الكويت


وشكرا اخوكم السفير

[عادل العطيعط]

مع الأسف........

لحد الآن لم تتفهم شمر لعبة الإنتخابات , ويظن أي واحد منهم بأنه سوف ينجح

غير محمد الخليفة في الجهراء , وحمود فليطح بالجهراء...لايمكن أن ينجح شمري....

وأعتقد أنهم سوف يفقدون كرسي الجهراء إن صمموا على "خبالهم" ،،،

[عيد السراي]

بعد التحية والسلام ،،،
ردا على الأخ عادل العطيعط بخصوص عدم نجاح أي شمري غير محمد الخليفة وحمود فليطح أود إفادتك إن شمر ليست قائمة على محمد أو حمود ولولا قبيلة شمر لما كان لهم كرسي بالإنتخابات .
وانت كبير على المواضيع هذي انت من الذين يشتتون قبيلة شمر بمعلقاتكم هذه فأرجو منك أن تراجع حساباتك .
والسلام ختام

[عادل العطيعط]

يؤسفني ماجاء بردك علي , حيث أن أسلوبك الذي تعاملت به مع "ابن عمك" يجب أن يكون أرقى من هذا.......

وأنا كلامي كان بلغة الإنتخابات , والتي كان من المفترض أن تعترض عليها وتبين لي ولمن يقرأ وجهة نظرك , وأنا عندي الإستعداد للتناقش معك....

ولكن إن بدأ كلامك بسـبي.........فأنا لن أنزل لمستوى يسمح لي بالسباب مع من هو "ابن عم "لي ،،،

وجزاك الله خير ،،،

[شمري صريح]

اول شي السلام

[شمري صريح]

اول شي السسلام بالنسبه للانتخابات اعتقد انشاء الله راح يفوز واحد منهم وانشاء الله كلهم لكن الانتخابات اللي فاتت تنازل بدر الشمري وسطام الشمري عن الانتخابات لالخيفه وحمود فليطح وياليت لو انهم يتنازلون النره هذي وشكرااااااااا

[حسين عدنان الشمري]

شباب

المنطقه العاشره ماكو شمـــر كلها عوازم وعجمان

يعني شنسوي حنا :) ؟

[بوشمر]

المفروووض انك تنقل اذا كنت تصوت واذا كنت ما تصوت تروح وتكثر سواد شمر يوم الانتخابات وتروح تحضر لمقراتهم الانتخابية ......

مع خالص الشكر ....

بـــــــــوشــــــــمــــــــــر

[عادل العطيعط]

تجتمـع ويا ربعك وتكون كلمتكم واحـدة وتفرضـون على الأعضاء فرض.....وتخلصـون أعمالكم من ورى خشـوم الأعضـاء....كما حدث في الصباحيـة عام 99 عندما اجتمعت القبيلـة ....
ولكن حذاري من الخطأ الذي وقعنا بـه حينها.....والذي تقع فيه شمـر دائما حذاري.....اجعلوا مصلحة القبيلة ومصلحتكم ومصلحة أبناؤكم نصب أعينكم , وانبذوا " الأنا السفلى "...

وسـترون العاقبـة ،،،

[شقاويه]

هلاا اخوي حسين

ماراح ينجحون لسبب انهم ما خدمو ابناء قبيلتهم بشي

يمكن حمود فليطح اهون بس محمد الخليفه ما عنده غير ابشر ويصير خيرررر وعلي مااااش



تحياتي لك

شقاويه

[ابن ضيغم]

انا ارشح شقاوية هي اللي بتسنع الامور اخت العيال

[مسعد الشمري]

أنا من شمر الكويت ومن الدائرة الإنتخابية ( 19 )
السلام عليكم شكرا لأبو شمر على الحميه المحمودة إنشاء الله لكن بالنسبة للمرشحين ماهي فوائد المرشح إذا كان النفع لغير شمرأما شمر فعليهم التصويت فقط لا غير والتجنيس و التوظيف لغير شمر علما أن شباب شمر يلجأون للقطاع الخاص و المهن الذى لا يعملها أي من القبائل الأخر أقول أن على شمر أن تخسر كرسي أفضل من أن يمثلهم شخص لا يمثل إلا نفسه مع الإحترام لجميع القبائل المحترمه وشكرا مرة ثانية لأبو شمر

[مسعد الشمري]

السلام عليكم
ترى الأعضاء يرون أنهم نجحوا من غير شمر على فكره
فحمود فليطح يرى أن أهل الصليبيخات هم الذي نجحوه
ومحمد الخليفة لولا أن أهل حضر الصليبية هم الذين نجحوه
وأسألوا أهل الدائرة وأنا منهم

[بوشمر]

ياجماعه ليش كل هذا انا قاعد اقول ان كل من هب ودب من شمر قام ينزل الحين صارو 7مو بس 5 انا قصدي ان التوحيد لازم يكون من شيبان شمر انهم يجمعون المرشحين ويصفون بينهم وانا ماطلبت رايكم ببوخليفة ولا بوضاري انا قصدي التصفية مع العلم ان بوخليفة وبوضاري ماقالو ان حضر الصليبية اهم اللي نجحوني او اهل الصليبيخات انا ما اعتقد انهم قالو هذا الكلام وبعدين يا اخت شقاوية لما يقول ابو خليفة مايصير احسن من ان يقول لا خلاص ويقعد ينصب على الناس واخر شي ماتصير..........

[السياسي]

انا اؤيد فكرة النتخابات الفرعيه
ونبداها هنيه بالدوانيه
ونبي عضو يتبرع وسويلنا تصويت بشرط نختار مرشح واحد

[العطب]

الي صار اول مانجح محمداستفاد من اللخبطه الصارت وقتها ومحمد رايته بيضه اشد على يد الاخت شقاويه واشكرها لاتذكير بنقط مهماويركزون علي هذي النقطه واتمنا ان توصل هذي الدعواه للجميع وان يفهموا الهدف من هذا المنصب مع الشكر


وباء شمر
انت لازم اتخور كيف نضغط علي شيبانا ونعلمهم الاحميه
هم الاساس واحنا الفرع
افهم


لا فكر

[شعبين]

نعم مصلحه شمر على اكتاف من يرشح نفسه ويفوز.ولكن جورب محمد خليفه اربع سنوات او اكثر هل انتفع شمرى من محمد عند انتخابه وقفت شمر كلها مع محمد خليفه
بعد دخوله مجلس الامه وين نفعه لجماعته. طلب محمد خليفه من وجهاء شمر ان يمنعوا بدرناصر الشمرى ويشكر الولد كل الشكر عندما زاروه وجهاء شمر فى ديوانيته
وطلبوا منه ان ينسحب من ترشيح نفسه وفى الوقت هذا كان مقر بدر قائم وخسر من المبالغ الكثيرولكنه رجل لا يرضاء بمزاحمه جماعته . وقبل الانسحاب وترك المجال لمحمد خليفه. وأقول ان بدر ناصر يخدم اى شمرى ينصاه أكثر من محمد. ولآن جرب الشمرى محمد خليفه . وحان الوقت لنجرب بدرناصر,وسطام عبيد

[مناي]

الحين كل من هب ودب رشح عمرة
ماكو شورى بين الجماعه بين كبار القبيله
وبعدين يابو شمر شتقول وشتخلي انت مو شايفصورهم تارسه دوارات الجهراء ترس
لا حتى المطاوعه مصورين بعد
لا وانطر عواد برد المطوع بيحط لوحات الكترونيه الوحدة بألف دينار((هذا الدين))
حتى مفرج اللي مسوي نفسه مطوع هم حاط صورة
ياعمييييي خليها على الله كل اللي يبون الكرسي يبون جم مليون وبس؟؟؟؟؟؟
الله يخليك شوف عنزة جم نازل منهم بعد لاونصهم يرشحون العيار لانه يسوي لهم جمايل؟؟؟وين الحميه يابو شمر ....زمانا هذا زمن المصالح وبس..عطني اعطيك؟؟؟


عاجبتني صورة سطام عبيد وودي يفوز لاني احس انه شمري اصلي

[الحذافي]

السلام عليكم0
ياخوان المهم النجاح بس بعيد عن المصالح الشخصيه0
تراى الحكومه ماتحترم القبيله الي ماله غضو يمثلها0
مومهم منو الي ينجح بن خليفه اوسطام اوبن فليطح المهم واحد يمثل القبيله 000

[عادل العطيعط]

إذا اتفقـوا....ينزلـون شخـص واحـد فقط في الجديدة , وشخص واحـد فقط في القديمـة

ويتحالفـون .....ويمتنعـون عن توزيـع أصواتهم للعيـار وغـيره.....ابشـرولكم بعضوين

وإن اختلفـوا ولم يتفقـوا.....ذهبت ريحهم وانطفأت نارهم للأبـد ....

وفيه حركـة نقـل أصـوات بعد الإنتخـابات في فبرايـر2004 واسعـة النطـاق لأصـوات شمر من مختلف المناطق لدعـم مرشح شمر بالصليبخات " حمود فليطح "

تقودها مجموعـة( 70+1 )......وهي لشمامرة وحضـر....

نرحـب في الإنضمـام لمن هم خـارج الصليبخات والجهـراء فقـط ،،،

نبـارك مقدمـا للنائب " حمـود فليطح الموعـد الشمري" كرسي مجلس الأمة ،،،

[nmahana]

السلأم عليكم........ الاخوة الاعزاء في الكويت ان من الافضل مايفوز احد من شمر وبالذات الخليفة لانه اللي مافيه خير لاهله مافي خير لاحد والخليفه مافاد اي احد من شمروانا اتكلم عن تجربه شخصيه وانا وعيال عمي جينا من السعوديه عشانه وصوتنا له ولما احتجناه طقع بيدنا والله يذكرة بالخير اللافي نفع ربعه كلهم ولازم تصير انتخابات فرعية بين شمر واللي يفوز لازم يتعهد امام شمر كلهم بخدمتهم قدر المستطاع والا ليتم التصويت لاي واحد منهم والتصويت لصلبي ابرك منهم والسلام ختام اخوكم بن جشــــــــــــــــــعم

[أبو خالد]

السلام عليكم

اعجبني الموضوع


والردود


ولكن لا تعليق

[nmahana]

اخواني الاعزا انا لم اكتب هذا الكلام هذا اول شي ثاني شي انا سعودي الجنسيه ولا يحق لي التصويت في الكويت والاعضاء الشمامرة فيهم الخير والبركة

[العطب]

الي الاخت
ولاقصور بالاخوان
ماعادى بول شمر تكرمون
الموضوع هو دعوه للتضامن لااكثر ولا اقل فانا على سبيل المثال مقيم في الكويت وقطر والسعوديه وسوريا وبحرين اي مالي اي علاقه بالانتخابات سوا ابداء رائ
وانا اطالب بوحده قبليه عامه لا اكثر ولا اقل
يعني علئله واحده فقط
والسلام ختام

[حسين عدنان الشمري]

موضوع الجهرا معقد لاهم راضين يسوون فرعيه ولا احد منهم بيتنازل

عنزه خبري ثنين فيهم المحيني والعلاطي

واخواينا يتحدون بعض

الصراحه انا مو من دائرة الجهرا

بس الصراحه ودي سطام العياده يفوووز

الصراحه الرجال مبين عليه هب ريح

بسس فيه بصلبيخات مرشح شمري ثاني ان ماخاب ظني اسمو

راشد الهبيده




تحياااتي

[بنت الطنايا]

الصراحه ماتدرون وين الله حاطكم
بالنسبه لي اللي مابهوه خير حق اهلوه مابوه خير حق الغير
يومكم تتهاوشون من يمثل شمر بالله شلاقين بمحمد الخليفه اللي ماودي ينجح اجل يجنس سايقوه ونص شمر اللي بالكويت بدون حتى ماسوالهم شي اجل لو تشوفون عجمان المنطقه العاشره طايحيله تجنيس باهلهم اللي يجلبونهم من الجنوب وكل شمرنا اللي هنا جالس يطالع لا حول ولا قوه
حلات اللي يرشح نفسه يسعى لاهل قبيلته وماينساهم
ودي من اي واحد شمري من اللي ذكرتوهم من يطب المجلس يجنس اللي يقدر عليهم مهي عيشه الجنوب استحلت الديره وحنا شمر جالسين نطالع
واسفه اذا طلع مني شي
السموحه
تحياتي المتجدده دوم والعائده بقوه بنتكم
بنت الطنايا

[الياس]

مشكوووور اخوي بس انا ابي اوضحلك ان الشمامرة الي داشين بالانتخابات في الكويت
كلهم سبعة وراح اقولك اساميهم واحد واحد :
1-محمد الخليفة _الدائرةالتاسعة عشر
2-سطام الشمري_الدائرة التاسعة عشر
3-حمود فليطح _الدائرة الثامنة عشر
4-سالم مبارك_الدائرةالتاسعة عشر
5-فيصل محمد الوقيان_الدائرة الثانية
6-دعيج خلف الشمري_الدائرةالسادسة
7-وليد خالد الجري_الدائرة الواحد والعشرون
وهولاء هم مرشحو قبيلة شمر لانتخابات مجلس الامة الكويتي وليس محمد الخليفة هو
الوحيد القاددر على تمثيل القبيلة فهناك وليد الجري والذي على علمي من الجري
وهم شمامرة ان لم اكن مخطئ وهو الذي حصل على اعلى نسبة في هذه الانتخابات ,وهناك
من لم يحصل على العضوية ولكن حصل على مراكز تؤهله للحصول على العضوية في الدورة
القادمة وانا كنت مع كثير من شباب شمر وغيرهم كنا نتوقع حصول حمود فليطح على المركز
الاول ولكن تأتي الرياح بما لا تشتهي السفن.
لربما كانت النتايج ليست بما هو المامؤل ولكن نتوقع ان يكون لشمر حظ اوفر في الدورة القادمة
انشالله.
وتستطيع الحصول على نتائج الانتخابات عبر هذا الرابط
http://www.oma2003.com.kw/AreaResult.aspx?aId=2

[الشريه]

اخى العزيز// وليد الجري -- عجمى من المحافيظ وليس شمري .
بالنسبه للباقي فتجد 3 مرشحين فى دائره وحده مثل سطام وسالم ومحمد خليفه .
والذلا نجح محمد الخليفه رايته بيضه ورجل نزيه وقايم بكل اعمال الناس ولكن رضا الناس غايه لا تدرك والله رجل شريف لكن شيسوى عود من ضمن حزمه اقليه .

بالنسبه لحمود فليطح متوقع سقوطه المنطقه مقسمه يا اخى الهبيده وخلف دميثير اشتغلو للمنطقه وخدموها ومنهم عوائل شمريه تربطهم صداقه وجيره مع الاثنين .
وبالنسبه لبعض المقربين لحمود خربوا عليه وبالذات اقوالهم عن بعض اهالي الدائر بانهم سجل شمر وليسوا شمر وهذا خطا هم لا يريدون ان يناسبون شخص حتى تقول ذلك اناس اصحاب اصل وفصل ومعروفين لكن تسجيلهم لشمر معروف لماذا وصارهم اكثر من 40 سنه ويعدون نفسه ويقفون مع كل شمري فى الانتخابات ويفزعون وذلك بسبب التسجيل وفيهم اناس بالاصل شمر وتسمو باسم الفخذ وانفصلوا وعند التسجيل سجلوا الشمريه امثال النبهان والمحمد وبعض عمومتهم من الجوارين هم اناس بالاصل شمر ولا احد يستطيع نفي ذلك .ولكن انفصالهم من قديم .

وانا اقول حمود رايته بيضه ورجال نظيف ولكن الذين حواليه خربو عليه ,

وسامحونا هذا سمعته من اهالي الصليبيخات

[حسين عدنان الشمري]

النتيجه انحسمت وخلاص

وكلاج كله في محله انا ساكن بالمطنقه العاشره الاكثريه عجمان والعوازم

والله اشوف فعايلهم لبعض تحز بنفسي شمر شكثرهم بدون ومنهم شيوخ افخاذو عشاير

ينهانون ويجرجرون بالمخافر بودن شبب

شكثر عجمان عندنا اهل الجنوب وحتى من قبيلة يام والعوازم خذو جناسي

وحنا يمال الشحم بطرق الوانيت ومسيكين ويكد خليهااا على الله


شمر خيال القوم لولا افعالهم


وتحيااتي

[الشريه]

اخوى حسين ...
والله جبتها السبب ان هذه القبائل تدافع عن افراد القبيله ولكن اشوف ان اعضاء شمر وعنزه وهم الاكثريه بدون لا يدافعون عنهم ولا يطالبون له الجنسيه رغم ان اكثر البدون من عنزه وشمر هم من بادية الكويت وموطنهم من زمان قديم قبل بعض القبائل الاخرى التى اتت فى السبعينات واواخر الستينات واخذت الجنسية بسبب اعضائها وفزعتهم .

والله يستر علي الجميع