يوم سفر صعب

[إبراهيم]

السلام ياحلوين بعد السلام يحلى الكلام كنت مسافر في عطلة عيد الفطر لدبي طبعا مالقيت خوي ورحت الحالي طلعت من الرياض ثاني ايام العيد الساعة11 مساء المهم وانا في الخط اقلب في الاشرطة وقفت في محطة ولقيت عائله سيارتهم خربانة المهم سالني الرجال وين رايح قلت رايح دبي وشرح لي وضعه وقلت تعال اوصلك معي كانو يبون الدمام المهم وانا ماشي قال لي وقف الرجال والله اني خفت منه وش عنده يالله تكفيني شره قال ابي اقضي حاجتي قلت يابن الناس خوفتني شوي شوي ترى اسمع ورجع وركب السيارة وطالع فيني وقال ليش اخذتني انا واهلي معك وانت وحدك ما تخاف قلت يوم شفت اهلك ارتحت واخذتكم قال ماتبي مني شي وقامت الدنيا عندي وخفت من جد قلت يابن الحلال من وين طلعت لي انت وش عندك هات من الاخر قال البنات ما اعرفهم بس لقيتهم في الخط واخذتهم معي التفت عليه وبغيت اعطية بقس انثر ضروسة في الارض بس مسك نفسي وعلى طول جنبت وقلت له انزل واسمع صياح البنات حرام عليك وقالو نعطيك الى تبي ونسوى لك المستحيل ووحدة منهم نزلت ملابسها وتقول سو فيني اي شي بس لاتنزلنا ........ رحمتهم وقلت اركبو وانا مرة النفسية طالعه من جد وخايف من نقاط التفتيش وأمن الطرق وكنت مسرع والله العظيم اني شايل هموم الدنيا فوق راسي والمصيبة هذي معي ووقفتنا الدوريات امن الطرق وطلب الرخصه والاستمارة وسالني كم تمشي قلت 140كم قال تستهبل الردار مسجل سرعتك 220كم ومين الى معك طلع الادمي وقال بيوصلنا الدمام معه قال العسكري يعني ماتعرفونه والحريم تبعكم قال اخونا لا
قال معي القسم رحنا وتحقيق طلع مهرب حبوب والبنات ماسك عليهم صور واخذهم معهم علشان يمر بدون تفتيش واعترفو عليه وطلعت منها بفضل الله وحرمت ما اخذ معي احد من الخط لو ايش يصير........