أرجو الإجابة

[القصيمية]

السلام عليكم ورحمة الله وبركاته


أنا اريد أن أعرف عن بعض العوائل من وين :


عايلة الزمام (بتشديد الميم) اللي من القصيم من قرية الربيعية هم من شمر من عبده لكن وش بعد عنهم

عايلة الغنام اللي من القصيم من قرية الربيعية هم من شمر لكن وش فخذهم هل هم من الجرباء ولا من زوبع

عائلة البازعي اللي من الربيعية في القصيم

عائلة الزايدي اللي من الربيعية من القصيم

عايلة المحيسني اللي من القصيم والظاهر انهم من بريدة

عايلة الحماد اللي من الشماسية في القصيم

عايلة الأصقه اللي من القصيم

وعندي سؤال آخر وش معنى الطنايا



والله يجزاكم خير

[ابوغوش]

الاخت القصيمية يعطيك العافية ولكن اود ان اوضح ان الجرباء من زوبع ..وزوبع هي سنجارة

تحية شمرية طائية

القدس

[القصيمية]

الله يعافيك اخوي ابو غوش على هذه المعلومة


لكن مافيه احد يعرف العوائل اللي قلتها

وبعدين وش معنى الطنايا


والله يعافيكم

[مساهم الشلاقي]

وعليكم السلام ورحمة الله وبركاته
ياهلا الأخت الكريمة / قصيمية حفظك الله بحفظه
أرحب بتواجدك أجمل ترحيب وأتمنى من المهتمين الإجابة على طلبك بس لا تستعجلين .
وعن معنى الطنايا ومفردها طنيان إن صح التعبير أي زعلان ويعبر عن ذلك الزعل بلثام من شدة الزّعل , ويوجد في ديوان تاريخ شمّر الكثير مما يوضح لك أكثر. حياك الله ياهلا,,
تحياتي وتقديري لاهتمامك
كل عام وأنت بخير,,

[القصيمية]

مشكور أخوي مساهم الشلاقي على اهتمامك

من زمان كنت احسب الزعل بس في العايلة اثره بعد في القبيله كلها

الدعوى وراثة

[راعي الذلول]

الله العالم اني ابجاوبتس على حد علمي:)

الزّمام : من بني خالد والظاهر ان خواله شمامرة ؟

البازعي هو مؤسس الربيعية ( اول من حفر بها بير)

والبوازع من القشعم من الجعفر من عبدة من شمر ...

وانا آسف على المعلومات القليلة التي اوردت << عساه تكون صحيحة

ويااااااااااا هلا

[القصيمية]

الزمام من شمر من عبده أنا متأكده لكن السؤال وش بعد عنهم

مشكور أخوي على اهتمامك

[راعي الذلول]

اكيد الزمام !

ماهو الزّماي ؟

[القصيمية]

أكيد الزمام

[الحـــــربي]

الغالية القصيمية

اليك الجواب

آل زمام ( الزمامي) في الربيعة من القصيم. من آل جدي، من الدغيرات، من عبدة ، من شمر.

الغنام في الربيعة من القصيم. من التومان، من شمر.

الغنام في بريدة من القصيم. من آل جري، من شمر.

الغنام من أهل طريف في الأسياح من القصيم. من الطوالة، شيوخ الأسلم، من شمر.

عائلة البازعي اللي من الربيعية في القصيم من شمر.

عائلة الزايدي اللي من الربيعية من القصيم الله أعلم.

المحيسيني في بريدة أصلهم من عبدة من شمر.


الحماد في بريدة وفي الشماشية من الوداعين من الدواسر.

الحماد الفوزان في الشماسية من الشماس من البدارين من الدواسر

عايلة الأصقه اللي من القصيم الله أعلم



اخوكم الحربي

.

[القصيمية]

جزاك الله خير

[سنجار الشماسيه]

آل زمام ( الزمامي) في الربيعة من القصيم. من آل جدي، من الدغيرات، من عبدة ، من شمر. ( وهم خوال والدي )

الغنام في الربيعة من القصيم. من التومان، من شمر.

الغنام في بريدة من القصيم. من آل جري، من شمر.

الغنام من أهل طريف في الأسياح من القصيم. من الطوالة، شيوخ الأسلم، من شمر.

عائلة البازعي اللي من الربيعية من شمر من فخذ عبده يرجعون إلى الفتيح من شيوخ شمر ( وهم خوالي )

عائلة الزايدي اللي من الربيعية من قبيلة الدواسر من الوداعين ...... وكذلك أبناء عمهم الغدير ، وأبناء عمهم في النبقية عائلة الحيص .

المحيسيني في بريدة أصلهم من عبدة من شمر.


الحماد في بريدة وفي الشماشية من الوداعين من الدواسر.

الحماد الفوزان في الشماسية من الشماس من البدارين من الدواسر

الحماد يرجع نسبهم إلى الفوزان وحماد اسم وكذلك أبناء عمهم البراك

عايلة الأصقه اللي من القصيم الله أعلم


هذا صحيح ما قاله أخي الحربي وأنا أكدت عليه وتقبل خالص تحياتي ....


يوسف الغفيلي ( سنجار الشماسيه )

[القصيمية]

أخي الحربي

وأخي سنجار الشماسبة

أشكركم على التفاعل

[المجمعاوي]

آل محيسني
هم من آل محسين من الربيعية من عبدة من شمر
وابناء عمومتهم
آل ضماد (أهل السويفلة)،في حائل
من المحسين من الربيعية من عبدة من شمر.

[راعي اللويحسه]

هلا بك اختي
ابتكلم باللي اعرفه واللي ما أعرفه ماراح اذكره
الغنام على كلام الأخوان ما أزيد عليه الا نقطة بسيطة :
فيه الغنام من القصيم من محافظة ضرية وهم من المسعود من الاسلم من شمر , ويتواجد بعضهم في محافظة عفيف ,
المحيسني من عبده من شمر مثل ماقالوا الأخوان
والبقية ليس لدي علم كافي يؤهلني لذكر انسابهم

[إبن ترجم]

السلام عليكم ورحمة الله وبركاته
معنى كلمة طنايا أي طنوا زعلوا من شدة الغضب وكان أول إستعمال لها في معركةمناخ الشريف مع شمر
وأما الزمام فهم من الجدي من الربيعية من شمر والجدي لايرجعون للدغيرات ولاالدغيرات يرجعون للجدي فكلهم من عبده
أماعن الإستفسارات الأخرى التي طلبتي الإيضاح عنها فسوف يصلك عنهاالجواب الشافي قريبا هنا
والله أعلم

[احـمد العلي]

وعليكم السلام ورحمه الله وبركاته
وحياك ربي
ومنورهـ الدوانيه
اولشي

عايلة الغنام
البازعي
الزايدي

انا من سكان
حائل ولكن بحكم دراستي
ببريده
اغلب ماذكرتي
اعرف منهم
وكنت اود ان اوضح
بس
ماقصرو الاخوان
وهناك الكثير الكثير
من قبيله شمر
سكنو القصيم

بصراحه ماقصرو الاخوان
ماخلو شي نقوله

حياك قصيميه

[ابراهيم الجريفاني]

اللي اعرفه
الزمام شمامره
والبازعي شمامره
والغنام شمامره
بس وش فخوذهم ما ادري بالضبط

[إبن ترجم]

الأخت والإخوة
عائلة الزمام من الجدي من الربيعية من عبده من شمر
والجدي فخذ مستقل عن الدغيرات كذلك الدغيرات وهم كلهم من عبدة
أما عن الإيضاحات الأخرى فسوف يصلك الرد وفيه الإجابه الكافيه قريباإن شاء الله

[بن جدي]

القصيميه ياهلا بك....الزمام من آل جدي من ربيع ( الربيعيه )وليس المقصود بلدة الربيعية....وتسمى الربيعيه بالعفاريت ولا يرجعون للدغيرات كما اجتهد احد الأخوة بل يلتقون مع الدغيرات وآل يحيى عند ضيغم...الزمام نزحو من قرية العريجاء بحائل واستقرو بالربيعية وبعظهم بمنطقة الهدية شرق بريدة والبعض منهم بالعراق ( رجعو من العراق حاليا )..أهل الربيعية وأول جد لهم اسمه سالم ثم ابنه عبدالله الذي منهم محمد والذي كان أمير الربيعية سابقا....بأختصار...

[ناصر المنيعي]

السلام عليكم انا اكثر من مره اشارك با الرد هنا لكن لم اجد اي مشاركه او رد لي ما السبب الرجاء الرد اذا ممكن وشكرا اخوكم ناصر المنيعي

[جار سهيل]

هلا بكم كلكم ...

انا من عائلة الاصقه من القصيم , واحب اوضح شيء مهم
وهو ان هناك اكثر من عائله بالقصيم وغير القصيم يقال لهم
الاصقه .. وهم كالتالي :

الاصقه اللي ببريده ما هم من شمر
الاصقه اللي بعنيزه ما هم من شمر
هناك الاصقه مطران واللي منهم الشاعر(عبد الله شاهر الاصقه المطيري)

اما عائلة الاصقه اللي انا منهم وهم مجموعة اسر كبيره تسكن البدايع بالقصيم والرس والخرج
ومنهم بالشرقيه وهي :
الدوهان , العيدي(ليسوا العيدي اللي بعيون الجوا) , الحبيب , العامر (ليسوا العامر اللي بالرس)
والعبلاني , والشايع اللي بالطايف وجده .... هذولا (الاصقه) من آل جري من شمر
وقريبين من عائلة الغنام اللي ببريده

هذه المعلومات من جدي رحمه الله الذي عاش ما بين 1313-- 1423 هـ

وشكرا للجميع

محبكم

جار سهيل

[القصيمية]

مشكورين على التفاعل والمعلومات

الغزيرة بارك الله فيكم

[أبــن جــدي]

* بسم الله الرحمن الرحيم *

السلام عليكم ورحمت الله وبركاتو .

في ما بعد :

انا ابي ارد على الاخت القصيميه :

شمر ثلث افخوذ هم .

1_ سنجاره 2_ الاسلم 3_ عبده


_الزمام هم من الجدي من الربيعيه من عبده

_البازعي هم من الجشعم من الجعفر من عبده

_معنى طنايا زعلو طنو

_وسمية الطنايا بهذا الاسم لان صارت معركه بين عبده والشريف وسمعت سنجاره والاسلم وذهبت سنجاره والاسلم الى عبده وا لمه وصلو اليهم وذبحو الذبايح لاهم وقالو حنا ماجينه نبي نتعشى حنا جاين نبي المعركه وماتعشو لانهم طنو زعلو وسمهم الطنايا وذهبت شمر الى المعركه ونتصرت شمر على الشريف.

بس على ما اضن انه عائلة الغنام من الاسلم .

وسمحيلي ياقصيميه لان ماعرف الاخرين اللي قلتيهم .

[بنت ابن جدي]

السلام عليكم.
بما أن السؤال تضمن عائلة الزمام فاني سأشارك ببعض التوضيحات عن العائلة لأني منها فسأكون أعلم بها.
*الربيعية لاتسمى بالعفاريت بل العفاريت فرع منها، ويوجد منهم في بلدة الربيعية في القصيم -فيما أعلم- عائلة "الحمزة"
* الزمام يرجعون لآل جدي وهم فرع من ربيعية شمر، كما أن الدغيرات والعفاريت فرع من ربيعية شمر أيضا.
*الزمام أهل الربيعية أول جد لهم سالم وأخوالهم الحجاج، ولسالم ثلاثة أبناء:
1- عبد العزيز -رحمه الله- وذريته في القصيم والشمال والرياض.
2- عبد الله -رحمه الله- وذريته في القصيم والشمال والرياض.
3- محمد -رحمه الله- وهو آخرهم وفاة، وذريته في القصيم والرياض .

[أبــن جــدي]

هلا وغلا بنت ابن جدي
لحظه بس ابي اوضح شغله الدغيرات من اليحيا من عبده والعفاريت من ربيعيه من عبده

وعيال الربيعيه خمسه :

1. الجدي
2. الزقاريط
3. العفاريت
4. المردان
5. المحيسن

واي شي تبينه انا حاظر ماتردج اله ايدج

[بنت ابن جدي]

جزاك الله خيرا.............................................. .......................

[ابومــاجــد]

ياجماعه ابي ماذا تعرفون عن عائلة الجربوع الي من بريده

[خالدالمجيحيم]

السلام عليكم ورحمة الله وبركاته
من الملاحظ وجود أخطاء وخلط وعدم معرفة كافية عند البعض من الأخوان ومع هذا يشاركون .
المنتدى مثل كتاب متاح للجميع ويجب أن لايكتب به إلا صحيح . عفواً أنا لاأقول تكذبون
ولكن ليس لديكم المعرفة الكافية للجواب على سؤال خاص بالأنساب .
ومن ليس لديه معرفة المفروض لايجاوب .
لإن الصغير والكبير والمتعلم والجاهل يدخل للمنتدى ويستقي منه المعلومات .
لذا يجب أن تكون الإجابة صحيحة 100 %
أنظروا ماذا قال بعض الأخوان في هذا الموضوع .
بواسطة الحربي
آل زمام ( الزمامي) في الربيعة من القصيم. من آل جدي، من الدغيرات، من عبدة ، من شمر.
بواسطة سنجار الشماسيه
آل زمام ( الزمامي) في الربيعة من القصيم. من آل جدي، من الدغيرات، من عبدة ، من شمر. ( وهم خوال والدي )
بواسطة بن جدي
القصيميه ياهلا بك....الزمام من آل جدي من ربيع ( الربيعيه )وليس المقصود بلدة الربيعية....وتسمى الربيعيه بالعفاريت ولا يرجعون للدغيرات كما اجتهد احد الأخوة بل يلتقون مع الدغيرات وآل يحيى عند ضيغم...الزمام نزحو من قرية العريجاء بحائل واستقرو بالربيعية وبعظهم بمنطقة الهدية شرق بريدة والبعض منهم بالعراق ( رجعو من العراق حاليا )..أهل الربيعية وأول جد لهم اسمه سالم ثم ابنه عبدالله الذي منهم محمد والذي كان أمير الربيعية سابقا....بأختصار...
ياجماعة سألت بعض الشباب عن نسبهم والله قاموا يخلطون أسماء أفخاذ ببعضه مايدرون وش يقولون .
نبي شبابنا يعرفون شي صحيح حتى لايضيعون نسبهم .
تقبلوا تحيتي وأحترامي وتقديري .
السلام عليكم ورحمة الله وبركاته ,,,,

[فارس الفارس]

[QUOTE=الحـــــربي;291626]الغالية القصيمية
اليك الجواب
آل زمام ( الزمامي) في الربيعة من القصيم. من آل جدي، من الدغيرات، من عبدة ، من شمر.
الغنام في الربيعة من القصيم. من التومان، من شمر.
الغنام في بريدة من القصيم. من آل جري، من شمر.
الغنام من أهل طريف في الأسياح من القصيم. من الطوالة، شيوخ الأسلم، من شمر.
عائلة البازعي اللي من الربيعية في القصيم من شمر.
عائلة الزايدي اللي من الربيعية من القصيم الله أعلم.
المحيسيني في بريدة أصلهم من عبدة من شمر.
الحماد في بريدة وفي الشماشية من الوداعين من الدواسر.
الحماد الفوزان في الشماسية من الشماس من البدارين من الدواسر
عايلة الأصقه اللي من القصيم الله أعلم
اخوكم الحربي
][[__________________________________________________ __________________________________________________ __________________________________________________ _رد الفارس __________________________________________________ ________________
الله يعطيك العافيه يالحربي
ولاكن جمعت
ال جدي مع الدغيرات وهذا غير صحيح
اال جدي من الربيعيه
والدغيرات من اليحيى واكيد طبعاْ حسب ما قلت جميعهم من عبده
( والغنام من طريف من لاسياح من القصيم)
وش رايك تواصل من الرياض من جده من الدمام اللى اخر ه
هذا نسب والكلام يعلق عليه تبعيات كثيره
والواحد يراقب ربه عند لاجابه
ولايكون بطريقه حل لغزا اي يجيب ماخف على لسانه
ولاهو ضروري يجاوب بما لايعرف
اختي القصيميه
ارجو ان تتبعي الدقه من مصادر موثوقه لها باع
بخصوص النسب ومن الواجب دعم الكلام بدليل مو عملية لزق
وعفواْ يالحربي الكلام موموجه لك للجميع
وانت جبت بماتعرف وليست ملزم في البحث عن الحقيقه
ولا احد يلومك واسف للطاله
وشكراْ للجميع [/SIZE]