قــــــــلــــــــة أدب !!!! [الأرشيف]

عرض كامل الموضوع : قــــــــلــــــــة أدب !!!!

خالد السعيدان

22-11-2002, 12:03 PM

قــــــــــــــــــــلـــــــــــــــة أدب !!!

إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!!

قــــــــــــــــــــلـــــــــــــــة أدب !!!

إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك

قــــــــــــــــــــلـــــــــــــــة أدب !!!

تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت : ( الليموزينات واجد!!!)

قــــــــــــــــــــلـــــــــــــــة أدب !!!

إن شيريهان تسوي عملية والجرايد والقنوات تسوي مناحة بينما الشيخ السحيباني يقتل ونصف العالم مادروا !!!

قــــــــــــــــــــلـــــــــــــــة أدب !!!

إن اللاعبين والمطربين يكرمون ويغرقون بالخيرات بينما المشايخ ربك يستر ماينسجنون !!!

قــــــــــــــــــــلـــــــــــــــة أدب !!!

إن الواحد يضبط ساعته على الدوام بينما صلاة الفجر مايدري متى وقت أذانها !!!

قــــــــــــــــــــلـــــــــــــــة أدب !!!

إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه ( بابا فين ) !!!

قــــــــــــــــــــلـــــــــــــــة أدب !!!
اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل

قــــــــــــــــــــلـــــــــــــــة أدب !!!

ان الوحده تقعد على التلفون ساعه وتقعد في صلاتها دقيقه

قــــــــــــــــــــلـــــــــــــــة أدب !!!

اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني

قــــــــــــــــــــلـــــــــــــــة أدب !!!

إن الواحد يشوف ( قلة الأدب ) ولايقول عنها ( قلة أدب ) !!!

قــــــــــــــــــــلـــــــــــــة أدب !!!

قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه

قــــــــــــــــــــلـــــــــــــــة أدب !!!
قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر

قـــــــــــــــــــلــــــــــــــة أدب !!!

قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك

قــــــــــــــــــــلـــــــــــــــة أدب !!!

لماتشوف واحد في الشارع وتستصغره ولا تسلم عليها

قـــــــــــــــــــلــــــــــــــة أدب !!!

اذا شفت صديقك في ورطه ولاتساعده

قــــــــــــــــــــلـــــــــــــــة أدب !!!

اذا قدم لك صديقك خدمه وأنكرت فضله عليك

قــــــــــــــــــــلـــــــــــــــة أدب !!!

انك تحط سيارتك عند باب جارك ..وعندك مكان ابعد شوي..

قــــــــــــــــــــلـــــــــــــــة أدب !!!

لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...

قــــــــــــــــــــلـــــــــــــــة أدب !!!

انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية اهمالهم

قــــــــــــــــــــلـــــــــــــــة أدب !!!

انك تطولي لسانك على الشغاله..وهي بسن امك..عشان شغله ممكن تسويها بنفسك((ليس منا من لم يوقر كبيرنا))

قــــــــــــــــــــلـــــــــــــــة أدب !!!

لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ
و تفتشين للدكتور عاااادي...وكنه من بئية اهلك<-----قلبت مصري

قــــــــــــــــــــلـــــــــــــــة أدب !!!

لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف

قــــــــــــــــــــلـــــــــــــــة أدب !!!

لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه

قــــــــــــــــــــلـــــــــــــــة أدب !!!

انك متعلم وحاصل على شهاداة عليه..وماتفقه اقل شي في دينك

قــــــــــــــــــــلـــــــــــــــة أدب !!!

أنه مانشوف القرآن إلا من الجمعه للجمعة عشان الكهف ..

قــــــــــــــــــــلـــــــــــــــة أدب !!!

..
ن نسهرساعه على النت ولانصلي لو ركعة لله

................وياكثركم قلة الأدب نسئل الله العافيه.................

اخوكم الطيااااااااااار

(منقول من كتابة اختنا العزيز هتان المطر)

ابو عبيد

23-11-2002, 12:16 AM

الله يجزاك خير
وياليت يتوعون بعض البشر من هالكلام

تحياتي لك

النذير

23-11-2002, 04:22 AM

الأخ الطياااااااااار
شكــراً لك على ما أشرت إليه من قلة الأدب ولو أنها ليست كلها قلة أدب

ســـــــــلام للكل

خالد السعيدان

23-11-2002, 06:47 AM

[اخي النذير حفظه الله

اشكرك على مرورك الكريم وعساك سالم غانم

وانت صرت راعي الاوله كفو ياذويبان

اخي العزيز ابو عبيد

اشكرك على ردك الطيب يالطيب

والله يعطيك الف عافيه يااااااااااااارب

اخوكم الطيااااااااااااااار

ضيغمي الخبر

23-11-2002, 06:56 AM

حلوووووووووووووووووووووه

انت كذا :confused:

وبعدين من ناحيت المره مع السواق

وتضحك هذا مو قلت ادب ...........هذي مهزله

والشرهه مو عليها الشرهه على الي حطله السواق

امحق من رجاااااااااااااااال :mad:

على العموم ماقصوت اخوي الطيااااار

وجزاك الله خير .

فــيــحــــان

23-11-2002, 07:06 AM

تسلم اخوي الطيار على هالمشاركه الرائعه...

قــــــــــــــــــــلـــــــــــ
ــــة أدب !!!

إن شيريهان تسوي عملية والجرايد والقنوات تسوي مناحة بينما الشيخ السحيباني يقتل ونصف العالم مادروا !!!

هذا اللي يقهر.....

وبعدين حبيت اقول حاجه للأعضاء
( جل من لايسهو )

ومره اخرى تسلم اخوي على الموضوع الجميل

خالد السعيدان

23-11-2002, 07:22 AM

اخي العزيز فيحان اشكرك على مرورك الكريم

والله يعطيك الف الف عافيه

اخوك الطياااااااااااااااار

الزقروطي

23-11-2002, 07:26 AM

فعلا قلة ادب

تسلم ذويبان على هالاخلاقيات القيمة

مرسييييه
كومونتيليفو سافا كومنتيتو تو كاتا

جملة فرنسي حفضتة من خمس سنين يوم رحت فرنسا

لاتصدقون ولا طبيتها ولا شميت ريحتها
حدي حفر الباطن ورفحا

خالد السعيدان

23-11-2002, 10:25 AM

هههههههههههههههههههههههههههههه

اخي الزقروطي من الورده الي انت حاط الي يشوفه يقول

ماتعديت الحفر حتى رفحاء بعيده عنك هههههههههههه

امزح لاتصدق

الله يوفقك يارب ويعطيك الف عاااااافيه

عشت وعاشت يمينك ياجدي انت

اخوك الطياااااااار

خالد السعيدان

23-11-2002, 10:27 AM

اخي العزيز ضيغمي الخبر

مشكور على ردك الطيب وصحيح

الشرهه على الرجااااااااال الي حاط سواق

الله لايهينك يااااااااااارب

اخوك الطيااااااااار

عروس الجنوب

25-03-2011, 02:23 PM

فهد بن رميزان

26-03-2011, 12:59 PM

قــــــــــــــــــــلـــــــــــــــة أدب !!!

إن الواحد يشوف ( قلة الأدب ) ولايقول عنها ( قلة أدب ) !!!

وليس كل ماجاء في الموضوع قلة ادب

شكرا ايها الفاضل للموضوع الذي يحتاج لوقفات على كل جملة فيه

عفواً..!
سيدتي الفاضلة
عروس الجنوب
فإن تعليمات الديوانية بحسب ماعلمناه
تمنع إعادة موضوع مضى له عااااااام
:
شكراً لقلمك

ابن شمر البار

28-03-2011, 08:39 PM

والله قمة في قلة الادب انني اقراء موضوعكم

ولا اقول شكرا الف شكرا موضوعك مفيد

وتقبل التحية

عروس الجنوب

28-03-2011, 08:57 PM

عفواً..!
سيدتي الفاضلة
عروس الجنوب
فإن تعليمات الديوانية بحسب ماعلمناه
تمنع إعادة موضوع مضى له عااااااام
:
شكراً لقلمك

سيدي الفاضل بن رميزان

غابت عني هذه المسألة ولأول مرة اسمع عنها

لكن حرام ان تترك بعض المواضيع القيمة دون مشاهدتها

وشيء اخر ناسف لهذا لكن مشكلتي هي انني دائما انبش عن ماهو قديم ومفيد

وشكرا لكم التنبيه