الثابتي
13-10-2002, 05:10 PM
يا جاهلٍ مر الزمان وحلاته
خذ هاك عقلي ما نفعني ولا ابيه
في هالزمان الطيّب اعلن وفاته
الطيب مات وكل طيّب يعزيه
يرحمك يا عودٍ حفظ لك وصاته
يبيك تتبع ساقته ما تخليه
علّمك سيّات الزمن وحسناته
يأمرك بالمعروف ليتك تماشيه
الله وهبنا دين واحسن صفاته
وانزل لنا التشريع واجزل معانيه
الحق والباطل عرفنا جهاته
ومايزرع المخلوق له يوم يجنيه
احدٍ له الدنيا على الكيف جاته
الله عطاه وكل شيٍ باياديه
ماذاق لوعات الزمان وشقاته
الفقر والتجويع يسمع بطاريه
واحدٍ يدور في زمانه نجاته
يبي الستر والعافيه بين اهاليه
عزيز نفس ولا يبدل عباته
راضي ويدري عيشته ما تكفيّه
واحدٍ ابد ماخذ طبايع خواته
ضعيف راي وكلمته ماتجدّيه
واحدٍ لبس ثوب المراجل بذاته
واسعد عين اللي من الضيق ناصيه
واحدٍ صميّدع يرهبك بالتفاته
حرٍ مطاليعه عن الناس تغنيه
واحدٍ يضيع صيدته من عماته
لا واخساره من ترجى يعشيه
واحدٍ زرع ما نال غير الحتاته
الحظ كنه واقفٍ له معاديه
واحدٍ قطف ورد الزمن وثمراته
باب البخت مفتوح دايم يناديه
واحدٍ تساوى في حياته مماته
واحدٍ يموت وطيّب الذكر يحييه
الوقت لو يمي عليك بعصاته
ماهي غريبه منه هذي مماشيه
يابوي هات اللي يجي منك هاته
راضين باللي ما تكنّه وتخفيه
وسلامتكم
خذ هاك عقلي ما نفعني ولا ابيه
في هالزمان الطيّب اعلن وفاته
الطيب مات وكل طيّب يعزيه
يرحمك يا عودٍ حفظ لك وصاته
يبيك تتبع ساقته ما تخليه
علّمك سيّات الزمن وحسناته
يأمرك بالمعروف ليتك تماشيه
الله وهبنا دين واحسن صفاته
وانزل لنا التشريع واجزل معانيه
الحق والباطل عرفنا جهاته
ومايزرع المخلوق له يوم يجنيه
احدٍ له الدنيا على الكيف جاته
الله عطاه وكل شيٍ باياديه
ماذاق لوعات الزمان وشقاته
الفقر والتجويع يسمع بطاريه
واحدٍ يدور في زمانه نجاته
يبي الستر والعافيه بين اهاليه
عزيز نفس ولا يبدل عباته
راضي ويدري عيشته ما تكفيّه
واحدٍ ابد ماخذ طبايع خواته
ضعيف راي وكلمته ماتجدّيه
واحدٍ لبس ثوب المراجل بذاته
واسعد عين اللي من الضيق ناصيه
واحدٍ صميّدع يرهبك بالتفاته
حرٍ مطاليعه عن الناس تغنيه
واحدٍ يضيع صيدته من عماته
لا واخساره من ترجى يعشيه
واحدٍ زرع ما نال غير الحتاته
الحظ كنه واقفٍ له معاديه
واحدٍ قطف ورد الزمن وثمراته
باب البخت مفتوح دايم يناديه
واحدٍ تساوى في حياته مماته
واحدٍ يموت وطيّب الذكر يحييه
الوقت لو يمي عليك بعصاته
ماهي غريبه منه هذي مماشيه
يابوي هات اللي يجي منك هاته
راضين باللي ما تكنّه وتخفيه
وسلامتكم