دخيل الخال في صدره دخيل اجمل صدر به خال [الأرشيف]

عرض كامل الموضوع : دخيل الخال في صدره دخيل اجمل صدر به خال

خالد السعيدان

23-09-2003, 11:46 PM

بسم الله الرحمن الرحيم

دخيل اجمل صدر به خال

طفح كيل القصيد اللي نزفته وابتدا الموال = وانا لازلت ادور لك كلامٍ يستر اوراقي
ادور في مجاهيم القـصايـد مايثيــر البال = عساني لاوصفت اوصف حلاك وأكسر وثاقي
انا لاشفت هالكحل بطرف عينك ازيـد هبال = وازيد من الجنون اكثر جنون وانثر اشواقي
دخيلك لا تناظرني ترى بعض العيون خبال = دخيلك لاتزيد الطين بلــه وانت فـ اعماقي
دخيـل اجمل عيـــون اللي شقاوتها تهد جبال = دخيلك لاتجنني بها ثم تنوي فراقي
دخيل احلى عيون اللي بها سحر وشموخ رجال = تخليني معاها ارحـل بعيـــد وتوسع افاقي
دخيل اجمـــل جديلٍ طاح من عالي مثل شلال = علىخصرٍ نحيل وعجــز وصدرٍ كمل الباقي
دخيلك والهـوى لامن تحـــرك ثــم جديلك مال = يميل القـــد مع ميل الجديـل ومعـــه خفاقي
دخيل اجمل حرير اسود سواده فاق اسود شال = تخليني على زنــدك انام وأغمض احـداقي
دخيل الجيـــد والعاتق دخيل النحــر والسلسال = دخيل الشفتين اللي تضيع هقــــوة الهاقي
دخيل الخال في صدرك دخيل اجمل صدر به خال = دخــيل الضمتين ورجفــة الخفاق وعناقي
دخيل السلسبيل اللي بصدرك والعرق لاسال = تخليني وسطـه اغرق ألـين اوصــل لترياقي
وانا لاقلت بغرق بك ابغــرق ماعليها جدال = ابغرق لين يذبحني ضماك ويطفش الساقي
دخيلك يوم انا جيتك وجيت بشيطنة اطفال = تخليني على الفطــره كذا لاتنوي اغراقي
دخيلك لا طفح كيل القصايد مانتهى الموال = تخلـــيني ادور لـك كلامٍ يفضح اوراقي

على الخير والمحبه نلتقي

اخوكم الطياااار

عاشق نمر

24-09-2003, 12:10 AM

صح لسانك
على الرائعه
يعطيك العافيه راعى ماركا
تحياتى

شمرية وبكل فخر

24-09-2003, 12:16 AM

دخيـل السلسبيـل اللـي بصـدرك والعـرقiلاسـال
تخلينـي وسطـه اغــرق ألـيـن اوصــل iلتريـاقـي
وانـا لاقلـت بغـرق بـك ابـغـرق ماعليـهـا جــدال
ابغـرق ليـن يذبحنـي ضمـاك ويطـفـش السـاقـي
دخيلـك يـوم انـا جيتـك وجيـت بشيطنـة اطـفـال
تخليـنـي عـلـى الفـطـره كــذا لاتـنـوي اغـراقــي
صح لسانك
لاعدمناك
تحياتي لك

خالد السعيدان

24-09-2003, 12:18 AM

شم35ر شم35ر شم35ر

هلا وغلا بالغالي وش اخبارك

<<<< انواع القماره على شان يعلمه من اللي قاله ماركا

مشكور يالغالي ومرورك اسعدني كثيراً

وان شاء الله تزورني في الصويفيه ونتشرف بمعرفتك

على الخير والمحبه نلتقي

اخوك الطياااار

محمد السياط

24-09-2003, 12:39 AM

دخيـل الجيـد والعاتـق دخيـل النحـر والسلـسـال
. . . . . . . . . . . . . دخـيـل الشفتـيـن الـلـي تضـيـع هـقـوة الـهـاقـي
دخيل الخال في صدرك دخيل اجمل صدر به خال
. . . . . . . . . . . . . دخـيـل الضمتـيـن ورجـفــة الـخـفـاق وعـنـاقـي
دخيـل السلسبيـل اللـي بصـدرك والعـرق لاسـال
. . . . . . . . . . . . . تخلينـي وسطـه اغــرق ألـيـن اوصــل لتريـاقـي

ما هذه الرائعة أخي خالد ... ؟؟؟

سـلِـمـت .. وسـلـمت أناملك التي نقلت لنا هذه القصيدة التي تتصبب إبداعا وعذوبة ً .

أخي العزيز خالد :

لن نقبل منك قصيدة بعد الآن إلا بمثل هذا التميز الشعري .. فطالما لديك هذا الحس وهذا التذوق الشعري الرائع لابد أنك ستأتي لنا بقصائد أخرى لا تقل روعة وإبداعا إن لم يكن أفضل .

أخي الغالي / خالد :
أرجو أن تذكر لنا أسم الشاعر إن كان معلوما لديك ..

لك تحياتي وتقديري ...

دمت بخير ... رعاك الله

(((( أخوك / ابن الصحراء ... أبو خالد ))))

رباح القويعي

24-09-2003, 03:15 AM

الغالي .. الطياااار ..

دائما ً ما تنقل لنا الجميل و المتميز , و إن كنت أعتب عليك بقلة مرورك علينا ..

ولكن ما أن تحضر بالجميل حتى يشفع لك عن غيابك ..

سلمت لنا يالعزيز ..

و صح لسان الشاعر و طابت يمناك يالطربة ..

تقبل أصدق تحياتي و تقديري ,,

__________________

إلى التثبيت !

مساهم الشلاقي

24-09-2003, 11:36 AM

الأخ العزيز:الطيار الله يحفظكْ
صح لسانك وصح لسان الشاعر وأشكرك جزيل الشكر على تقديم هذه القصيدة الرائعة
الله لايهينك وتسلم يمينك على هذا الإختيارالموفق.
تقبل إحترامي وتحياتي وتقديري لشخصك الكريم.

هوى الغربي

25-09-2003, 05:04 AM

ما هذا

قصيده ام

سحر

ام ابحار الى غير معلوم

لا ادري قد تجاوزت القصيده حد الوصف

قد صدق من قال ان من البيان السحرا

هي اجمل من كل قول

لك كل الحب والتقدير اخي __ الطيار__ على ذائقتك الرائعه بأختيار هذه القصيده

قد ورطت نفسك ياطيار فلا نقبل منك بعد الآن الا التحليق عاليا اكثر واكثر

اخوك *.* هوى الغربي
ابو وهج؛؛؛؛؛؛؛

خالد السعيدان

25-09-2003, 06:16 AM

اختي العزيزه / شمرية وبكل فخر

اشكرك على مرورك الكريم

وان شاء الله القصيده اجبتك

على الخير والمحبه نلتقي

اخوكِ الطياااااار

خالد السعيدان

25-09-2003, 06:21 AM

اخي العزيز / ابن الصحراء

اشكرك على كلامك الراائع والذي اثلج صدري

ولكن عن اسم الشاعر فهوا

مااعرف الى ان اسمه نواف فقط :(

ولكن هذا انا احاول فيه ابيه يجي للديوانية

وان شاء الله يقبل واذا قبل دعوتي

انتم اطلبوا ربكم وان شاء الله يكون بيننا

على الخير والمحبه نلتقي

اخوك الطيااااار

خالد السعيدان

25-09-2003, 06:24 AM

اخوي العزيز / القويعي

الف شكر يالغالي على مرورك الكريم وعلى

تثبيتك لهذه المشاركة وصدقني اول ماقرأته

على طول قمت بتصميم جميل ونزلته في المنتديات

الى ديوانية شمر لان الصور ممنوعه :(

على الخير والمحبه نلتقي

اخوك الطيااااار

شقاويه

25-09-2003, 10:57 AM

مرااحب خااااالد

من سنه قرأت هذه القصيده وحفظتها عندي في احد الملفاات وضااعت :(

ولكن اليوم بفضلك وجدتهاااا

هذه من أجمل قصااائد الغزل والوصف اللي قرأتها

كلك ذوووق خالد واحسنت الاختيا ركالعاده

تحياتي لك

شقاويه

خالد السعيدان

29-09-2003, 05:39 AM

اخوي الغالي / مساهم الشلاقي

اشكرك اخوي على ردك الطيب وصح بدنك وبدن الشاعر

الله لايهينك ولايهين غاليك

على الخير والمحبه نلتقي

اخوك الطياااااار

خالد السعيدان

29-09-2003, 05:41 AM

اخوي الغالي / ابو وهج

الصراحه ماادري وش اقول لكن مااقول

الى الله لايحرمنا منك ومن كلامك اللي كله عسل

على الخير والمحبه نلتقي

اخوك الطياااار

خالد السعيدان

29-09-2003, 05:42 AM

تسلمين اخي شقاويه

والحمد لله ان جازتلك ولو اعرفك دايم تقولين مي حلوه

<<<< ياحبه للشر

مشكوره شوشو والله لايهينك ياااارب

على الخير والمحبه نلتقي

اخوكِ الطيااااار