بكون بخير ... لاتقلق ؟؟؟؟

[راعي الدغيماء]

بكون بخير ..
لاتقلق
بكون بخير .. وبتذكرك ..ياخلي
بعد بالخير .. وحتى لو تشوف الحزن بعيوني
تعدى موطني وكوني .. تراني بخير .. لاتقلق
تراني بخير .. وش اللي حتى مااكون بخير ؟
ولا حاجة ..
سوى اني صرت محتاجة .. اكون بخير ..!
ويعني لو .. أغص بعبرتي والا
أموت بحسرتي .. ياخل ..وش بيصير ؟
أبد عاااااااااااااااااااااااااااااادي
ولا أهتميت بجروحي ولا ...فيني
قسم باللة ...ياخلي
ترى عادي ..
يجيني وش يجيني مانطقت الآه ..
لابالله ...ولابي من يواسيني ...مدام اني من خانه التعبير..!
ياخلي ...وش بيصير ..اذا صار الألم زادي ...
ورحت بدون ميعادي ؟
بافسرها مثل حبك ...ولا بلقى لها تفسير...
جروح الحب ياخلي ...هم اولادي ...
احد يزعل من اولادة ...!
أنا مااظن !
لكني ...اذا تغربت فبلادي أروح لمن !!
ياخلي ...أروح لمن ..؟
وأمسي مين في ليله : مساء الخير ....
ولى غنى مواويله ..وله تقدير ...ولايمكن يهنيني باعيادي
سوى حبه.. وانا طبه ..
وانا فجرية أعياده ...
أجل ياخل ..
من اللي بعدها باظل ...أتذكر
واعد وانتظر واحسب ..بقى كم يوم ...ياخلي
لذكرى عيد ميلاده ؟ وكيف أهرب ...من أحزاني
وانا من وين مااهرب بالقاني ...!
ويلقى حزني بلاده .. وكيف أعيش فالعالم
وانا مااملك الا ذكريات الحب
كلما جتني بشاير خير ...خذاه الطير ..!
خذاااااااااااااااااه الطير ياخلي ..
خذاه الطير ..
ووش تفرق ؟
اذا شمسي ...تدور في ظلام الروح عن مشرق
ولاتشرق ...
ولاتمسي ...
ولااااااااااتفرق ...!
بكون بخير
لاتقلق ...بكون بخير
كل مايلقى الفرح يمي طريق
لا لقى وجهي ؟ تكدر وانتحب !!
كن عيني صارت ف همي بريق!
وكن جوفي نار وضلوعي حطب
والعشق ماهو من حظ العشيق
وش لقينا من وراه الا التعب
لا لقينا صدق محتاج لصديق
والهنا لا ذاق وعد ولا شرب
ومايطيح الورد من ثقل الرحيق
وماتشوف الأرض تمسك بالخشب ؟
بسهر الليله بلا ليل ورفيق
دام غصن التوت ماطال العنب
مجرم الأحلام من نومي طليق
وهاجس السجان في همي لعب
رحت ابطفي بالبكا نار الحريق
واثري طفيت عيني باللهب !!
صاحبي ماعاد لي نفس تطيق
وما على المحروم من نفسه ..عتب
الحياة اليوم ماتسوى شهيق
كنت ابحيا ..بس ..ربي ماكتب
وكل ماينسد في وجهي طريق
تضحك الفرحه علي ..بلا سبب؟!
تشوف شلون ...ياخلي ...فراقك غير ...!
أجل وشلون ...تطلبني : اكون بخير ...؟!
أ
ك
و
ن
ب
خ
ي
ر
ويعني بس ...هذا اللي تبي مني
وتطلبني ...
الا ياخل ...؟
وكني بك تجاوبني :
فقط لاغير ...
فقط لاغير ..!!
أبد ابشر ...تطمن يامعذبني ...
تراك ب حل ...
تراك بحل لو قالوا حبيبك مل ...!
وانا ادري الناس ...في طبعك ..
ملول وتعشق التغيير ..
ياخلي

ولاتنام ... ذا طبعك وانا دلوعك واعرف طباعك زين ..
وانا اللي كنت أقرب لك
من اقرب شخص من ربعك ..
تبي تسكت ..أنا اكمل ..
ولا تخبي ...
ابتحمل ..
واكون بخير ...
أفا ياخل !
لاتسكت
ولاتخبي ...
تطمن ...واحلف بربي ... بكون بخير ياحبي
اذا أنت بخير ...
عساك بخير .
عن مجلة فواصل

[رباح القويعي]

هلا و غلا بـ راع الدغيماء ..

حضرت و أحضرت معك هذه الخاطرة الجميلة ..

ويا هلا بالحامل و المحمول ..

وفعلا ً قرأت هذه الخاطرة في مجلة فواصل في عددها الأخير و كما أعتقد أنها لفتاة

تدعى ( عبير أحمد ) إن لم تخني الذاكرة !

أشكرك أخوي راع الدغيماء على هذه الخاطرة المتميزة التي نقلتها لنا ..

تقبل خالص تحياتي و تقديري ..

مع الأمل باستمرار تواصلك معنا , الذي نفتخر به كثيرا ً ,,

إلى اللقاء ,,,’’’

[راعي الدغيماء]

الغالي رباح القويعي سلمكم اللة
نعم يالحبيب الخاطرة هي كما ذكرت ولكن قد اعجبتني فاردت ان انقلها لكم ..... واكثر مااسعدني هو ردك الذي اعتز بة واسعد ..... لاعدمناك

[مساهم الشلاقي]

ياهلا بك ابن العم العزيزالغالي وعسى أن تكون بخير إن شاء الله.
سلمت ودمت ولاأخفي عليك تقديري وإحترامي لشخصك الكريم .
سلمت ودمت داعياً الله لك بالتوفيق متمنياً لك الخيروالنجاح في الدنيا والآخرة.
تقبل أجمل تحياتي.

[أبو خالد]

الف شكر علي النقل


الرائع

فعلا خاطره جميله



تقبل تحياتي

[راعي الدغيماء]

الأخ الكبير بكل ماتحمل هذة الكلمة / مساهم الشلا قي المحترم
مليون شكر على مرورك وعلى حسن تادبك وكلامك القدير عن شخصي المتواضع
بصراحة انا اعتز وافخر بان لي صديق مثلك وشرواك .... اسمح لي اهديك ابياتك لأنك تستاهل مثل هذا الكلام انت ولابتك .
ياعلْ بيتك عامرٍ في وجودك
ياصايغ المعنى عسى اللاشْ يفداك
يامورد الضميان راهي عدودك
يا وي والله عدْ تروى ضماياك
الطيب سندى طايلاته عضودك
ياذخرنا يافخرنا في سجاياك
الله يحفظكْ ياموارث اجدودك
أهل الوفى للراي مثلك وشرواك
دايم معك قدام ندعم جهودك
حقٍ عليناموقفٍ معكْ ورضاك

[راعي الدغيماء]

اخي الأستاذ / ابو خالد الموقر
مليون شكر على مرورك الكريم ....وشكرا ايضا على حسن تعليقك .... لاعدمناك

[مساهم الشلاقي]

ياهلا بك أخي وعزيزي:راعي الدغيماء الله يحفظكْ
طابت أوقاتك بكل خير هديتك مقبولة ومكانتهاوقيمتها عندي كبيرة وأكبر هدية كلامك
الأخوي الأصيل الذي أعتز وأفتخربرؤيته حفظك الله من كل مكروه.
تقبل إحترامي وتقديري وتحياتي.