وجع راس

[الثابتي]

إلا ابخطي ثم اخطي وابخطي

انا بشر ماني على الذنب معصوم

ماهو صحيح اخذ معك دوم وعطي

واذا حصل مني خطى صارت اعلوم

واجد اعيوبك لكن استر وغطي

اخاف لا نخسر بعضنا على يوم

لا لا تشيل من الملام وتوطي

يكفي انا ناقص وجع راس وهموم

هذا انا هذا مـــســـاري وخطي

يرضيك ما يرضيك لا منت ملزوم

الراي عايم بين شطك وشطي

بالضبط مثل الحظ خايب ومعدوم

لو هو بكيفي كان ناسيك مبطي

ومرتاح لا تفكير لا عتاب لا لوم

لاشك قلبي لا نوى البعد يخطي

وانت ملاكٍ عن خطاياه معصوم


وسلامتكم

[حـاكم العلي]

المبدع : نواف الخليفة

قصيدة جداً رائعة من عضو رائع و نشيط جداً

و يبدوا أنك تعشق نثر الإبداع في كل دواوين الديوانية

فلله درك

ما أروع شعرك