والـلـي يـخـلـيـك

[الثابتي]

واللي يخليك حاول تفهم اوضاعي

حرام نخسر بعضنا بسبة الغيره

مافيه داعي تصحي غفوة اوجاعي

يكفي وجع قلب غير كل هالسيره

من الهم عندي كثير اشكال ونواعي

ومافوق تعكير جوي تزيد تعكيره

ماجيت حتى تعلمني وش اطباعي

او تشرح ابعاد حلمٍ طال تفسيره

جيتك من اقصاي لا غافي ولا واعي

اشيل حمل الزمان بشره وخيره

الحظ ماهوب خاتم يلبس اصباعي

والله لو هو صحيح اسعى لتغييره

لاشك لاني بمسئـــول ولا راعي

هذا هو الوقت ماقصر بتقصيره

في طاري البعد ليه تحاول اقناعي

ولا انت لا مات قلبك عشت في غيره

جيتك وكلي امل لو تفهم اوضاعي

يرضيك نخسر بعضنا بسبة الغيره


وسلامتكم

[حـاكم العلي]

الشاعر نواف

فعلا أنت رائع في كل م تجلب
أبيات في منتى الروعة والجمال

تحياتي لشخصكم الكريم

[عبدالله الصاهود]

جيتك وكلي امل لو تفهم اوضاعي...

وكم من شخص لا يتفهم اوضاع من يحب....
ودائما تكون النتيجه!!!!!!!!!!!

لا هنت يالغالي....