رباح القويعي
15-09-2003, 04:52 PM
هذه ألفية الشاعر القديم ابن عمار أو ( أبو خيشة ) كما هو معروف ..
و بشهادة الجميع ما زالت هذه الألفية تحتفظ بالصدارة من بين جميع
ألفيات الشعراء القدماء و المعاصرين , من حيث قوة معانيها و صورها ..
علما ً بأن هذا الشاعر كان يوصف بـ ( المجنون ) بين أبناء قومه !!
ولكن لا شك أنه ( جنون الحب ) الذي جعله يؤلف هذه الألفية المنفردة ..
أترككم معها ,,,
ألف ٍ أولف من كلام ٍ نظيفي = ودموع عيني فوق خدي ذريفي
يا لايمن في حب ذاك الوليفي = دقاق رمش العين سيد الخوندات
خوندات ياللي ما بعد عاشرنه = قله تراهن بالهوى يذبحنه
قلبي و قلبك يالمولع خذنه = عزي لمن مثلي تعرض للآفات
الباء بليت بحب خلي على ماش = و لا حصل لي منه ما يبرد الجاش
غديت أنا وياه طاسه ومنقاش = بالوصف كني يالمعزي سلامات
معزي سلامات اللي يذكرونه = نبغى السلامة منه ويا المعونة
يقول طيب , مير غارت عيونه = سبب ولدكم واحد ٍ صابه و فات
التاء تبعت الزين و الزين مقفي = أمشي وحتفي ناقله فوق كتفي
لا شفت لي عين ٍ وكتف ٍ و ردفي = مأقوى التفت لو طوحوا لي بالأصوات
أصوات , لو قالوا سفيه ٍ و سايح = طرد المقفي يالمشقى فضايح
قلت أيه مير أشواركم و النصايح = مثل المطر فوق السحال المكفاة
الثاء ثمانه حب رمان طايف = أو قحويان ٍ في رياض عطايف
متنفل ً بالزين سيد الولايف = عمهوجة ٍ فيها من الحور شارات
شارات فيها من ظبي الحمادي = هي لذة الدنيا و غاية مرادي
من يوم شد صويحبي يعن بلادي = عليه جاوبت الحمامة بالأصوات
الجيم جاني من عشيري كلامي = ولا لقينا من يرد ّ السلامي
عليه زرع القلب هايف وظامي = ولا لي جدى كود البكاء و التنهات
أنهت على ما فاتني من زماني = يوم الحبيّب زارني في مكاني
وراي ماخذت القضا يوم جاني = وأنا ادري ان البيض فيهن غرّات
الحاء حليه بالوطن ما لقيته = عذلت نفسي عنه ولا قويته
لو يذكرونه في أمريكا نصيته = لو حال من دونه بحور و مسافات
مسافات لو هي في بحور الظلامي = أو وسط بتـّـيل حداه الولامي
إليا حصل منها بلوغ المرامي = عنيت له لو هو ببحر الظلومات
الخاء خليلي صار مني قريبي = ليتي نصيب ٍ له وليته نصيبي
ودي أواجه نور عيني حبيبي = مير الوحيد الهيت ما فيه نوهات
نوهات نوهات ٍ غدت من غثا البال = طول النهار أمشيه عمال بطال
وأنا اتحرى كل حول ٍ إلى حال = دنياك هذي يا اريش العين نشبات
الدال دامي ما مسكت الذوايب = لو قيل طيب قلت ماني بطايب
أدنوا سداة القبر أدنوا النصايب = أدنوا دواة الحبر باكتب سجلات
سجلات أريد اكتب بها لي وصية = عمري قضى يا وجد أهيلي عليه
قولوا لصافي اللون ياقف عليه = اغديه يرجع و يتحسف لما فات
الذال ذالي عنه عدة ليالي = لو قيل طيب قلت أنا ابخص بحالي
والله فلا يطري على شف بالي = إلا انت يا راع الثمان الرهيفات
رهيفات فيها للمشقى طرابة = مجمول مدلول ٍ ولا به طنابه
ياليت من يدخل معه في ثيابه = وأسج أنا وياه بالعمر سجات
الراء ردوف صويحبي ثقلنه = ونهود للثوب الحمر شلعنه
ومثومن ٍ ماحلى بياضه و فنه = في عرض ساق ٍ فيه من عرق الأرطاة
أرطاة غرمول ٍ ذرته الذواري = والله لو ماني على الترف أداري
لأسري عليها مثل ذيب الغداري = جايع و في الغابة عياله مجيعات
الزاء زماني شفت منه الهوايل = ما دام حظي بالغنادير مايل
الزين لو نترك قصير ٍ وطايل = لا شك وين العقل هيهات هيهات
هيهات لو بالعقل يا ذيب لبـّـه = ما كان يتبع واحد ٍ ما يحبه
لا صار قولي له خرير ٍ بدبه = وش لك بشوفه يالعيون المشقاة
السين سقنا من الدراهم و عيا = واللي نبي من صاحبي ما تهيا
يقول والله لو تحب الثريا = خذني على السنة تشوف الطرابات
طرابات ينسنك جميع الدروبي = يغديك في تالي حياتك تتوبي
وأودع مقرك بين جلدي و ثوبي = وتشوف فرق البيض فيهن لذات
الشين شاب الراس يا عذب الأنياب = واللي بطاري توبة ٍ ذاك قد تاب
لي حاجة ٍ يا زين بس افتح الباب = يرحمني اللي عالم ٍ بالخفيات
يرحمني أني فيك يا زين مفتون = من حبك اسهر و الخلايق ينامون
ألهيتني عن مذهب اللي يصلون = ما عاد أميز لو قران التحيات
الصاد صيدي يوم ألاوي غريمي= شفق ٍ على الحبة و لمس البريمي
ما هو بصيدي قلة ٍ بالحريمي = لا شك كل ٍ له مع الناس مشهات
مشهات مشهاتي ظبيّ الفريدي = حب العرب ينقص و حبه يزيدي
لا شفت زوله ذاك هو يوم عيدي = تصبح بساتين الضماير مريفات
والضاد ضد ٍ حال بيني و بينه = يقول هذا صانع ٍ ما تبينه
عسى الوجع يشقيه بصبي ّ عينه= يسهر ولا يمرح من الليل ساعات
ساعات جعله ما يشوف الجدارا = ولا يعرف الليل هو والنهارا
عساه يوم البعث يحشر حمارا = و يحملونه حمل الأسراف سيات
الطاء طويت الياس و السد باحي = ما عاد لي شف ٍ بظبي البياحي
لا علها هبت هبوب الجناحي = اللي سبوقه فوق رجله مطوات
مطوات طار وراح من يوم هبه = راعيه لو رز اللوى ما ينبه
طير ٍ قطيف ٍ و الحبارى غدت به = يبغى العشاء ما بين فخذ ٍ و جنبات
الظاء ظمان ٍ من تولع بالأثنين = لابد تترك عشرته يا مسيكين
ما ينتجمع بالمرابط حصانين = يجيلهن حوس ٍ و دوس ٍ و صقلات
صقلات يصقل يوم جابوا طعامه = جعله على طلب المعيشه بحامه
اسمع كلامي يالهبيل الفدامة = إليا جمعت الحصن فالحصن خطرات
العين عمّن ينقل الهرج حذراك = تراك كنك ناقل ٍ داك برداك
إليا سمع له كلمة ٍ من حكاياك = يحطها كبر القصور المبناة
مبناة تبنى مثل خشم الغرابه = ويكثر المشروب عقب الطرابه
و هو يشادي بومة ٍ في خرابه = لا ناقل ٍ هرجه ولا كف هرجات
و الغين غاب القلب بأول شبابي = وأدنيت من تلعات الأرقاب نابي
واليوم شاب الراس و الكيف طابي = ماني على الماضي كثير الحسوفات
حسوفات لا تندم على ما مضى منك = أيضا ولا تفرح على اللي يجي منك
مدراك لو موجب سبب صدته عنك = ناهيك رب العرش رب السماوات
الفاء فؤادك لا توليه حساد = وأحذر يجيلك مع هل الشر مقعاد
أهرج و خلك عن جميع العرب صاد = ثم اعتبر بالذيب يضوي بغرات
غرات يضويها و هم ما دروا به = و اللي يوقف بالحراوي هقوا به
كم واحد ٍ وقف ولا قضينوا به = يكسر إلى شاف اللحم كنه حدات
القاف قل للي يريد النواميس = اللي يبي طرد الهوى يرخي الكيس
وإليا بذلت الكيس و النفس و ابليس = تطيح ناس ٍ يدّعون الديانات
طاحوا و صاروا للخلايق علاجه = يلقى بهم راع الهوى قضي حاجة
وإليا نثرت الحب جتك الدجاجة = حافت و باضت لو تبي عشر بيضات
الكاف كن السد في كل الأحوال = و احفظ لسانك لا يقولون ذا قال
حتى تجي محبوب محسوب رجال = و إن جيت مجلسهم نواظرك صقرات
صقرات لا تامن من اللي يحاكيك = و هو عدوك تحسب أنه يشاكيك
يا ذيب كان الله على الرشد هاديك = اكتب حروف بالضماير حسينات
اللام ليت ليت العمر ينكس بحله = الرجل قبل الشيب يا حلو دله
قيمة ثلاثين السنة هي محله = وإن لاح فيه الشيب مابه طرابات
مابه طرابات ٍ ولا يرغبونه = لو حط له ردن ٍ و كحّل عيونه
أهل الهوى عقب الغلا يكرهونه = لو هو مصافيهم على فايت ٍ فات
الميم ما غيري من الناس جرب = ولاحد ٍ مثلي بزمانه تغرب
لاويت صاف اللوم فوق المضرب = كن العدو عنها عيونه مداوات
مداوات ما وده يجي له عبارة = و اللي يجنب عنك وش لك بداره
الهذر ما يعطى بوسط الخبارة = لازم يجي فيها عقارب وحيات
النون نام الحظ ما فيه حيله = عيا يبارينيو أنا ازريت اشيله
من يوم فارقني عريض الجديلة = قامت تكسر في حشا الصدر عبرات
عبرات ضاقت به حنايا ضلوعي = عليك يا خلي حسين الطبوعي
والله ما اطاوع فيك هراج دوعي = دايم عيوني في مراعاك سهرات
الهاء هواي العاشرة يالفطيني = و السابعة ياللي تعرف الرطيني
ما تنحكى الشكوى على الميتيني = و الخامسة ما تنحصى عد الأميات
أميات مات القلب من كثر همي = أشكي عليك الحال يا ولد عمي
أنت عضيدي و أنت لحمي و دمي = ترضاه يجفاني ولاني بمجفات
و الواو ويله بالهوى من هواهم = أن كانه اللي سم حالي و طاهم
كم ليلة ٍ يصبح غثيث عشاهم = إلا لقيمات ٍ مع الحلق مرات
مرات لين أقضي من الترف شفي = وأوسده عضدي و زندي و كتفي
وأشر بحبه باين ٍ و متخفي = ثمن يجي للزاد و الشرب لذات
الياء يولع في ضميري حريقة = أذكر شرابي من قراطيع ريقه
و هزين باني بالغصون الوريقه = في عرض بستان ٍ روايا و لدنات
لدنات نسناس الهبايب تديره = واللي تولع به حباله قصيره
ما اظن يبرد واهج ٍ في ضميره = إلا على سيسان ذيك الشفايات
_____________________________
إنتهت !
رباح القويعي ,, معكم دائما ً ..
و بشهادة الجميع ما زالت هذه الألفية تحتفظ بالصدارة من بين جميع
ألفيات الشعراء القدماء و المعاصرين , من حيث قوة معانيها و صورها ..
علما ً بأن هذا الشاعر كان يوصف بـ ( المجنون ) بين أبناء قومه !!
ولكن لا شك أنه ( جنون الحب ) الذي جعله يؤلف هذه الألفية المنفردة ..
أترككم معها ,,,
ألف ٍ أولف من كلام ٍ نظيفي = ودموع عيني فوق خدي ذريفي
يا لايمن في حب ذاك الوليفي = دقاق رمش العين سيد الخوندات
خوندات ياللي ما بعد عاشرنه = قله تراهن بالهوى يذبحنه
قلبي و قلبك يالمولع خذنه = عزي لمن مثلي تعرض للآفات
الباء بليت بحب خلي على ماش = و لا حصل لي منه ما يبرد الجاش
غديت أنا وياه طاسه ومنقاش = بالوصف كني يالمعزي سلامات
معزي سلامات اللي يذكرونه = نبغى السلامة منه ويا المعونة
يقول طيب , مير غارت عيونه = سبب ولدكم واحد ٍ صابه و فات
التاء تبعت الزين و الزين مقفي = أمشي وحتفي ناقله فوق كتفي
لا شفت لي عين ٍ وكتف ٍ و ردفي = مأقوى التفت لو طوحوا لي بالأصوات
أصوات , لو قالوا سفيه ٍ و سايح = طرد المقفي يالمشقى فضايح
قلت أيه مير أشواركم و النصايح = مثل المطر فوق السحال المكفاة
الثاء ثمانه حب رمان طايف = أو قحويان ٍ في رياض عطايف
متنفل ً بالزين سيد الولايف = عمهوجة ٍ فيها من الحور شارات
شارات فيها من ظبي الحمادي = هي لذة الدنيا و غاية مرادي
من يوم شد صويحبي يعن بلادي = عليه جاوبت الحمامة بالأصوات
الجيم جاني من عشيري كلامي = ولا لقينا من يرد ّ السلامي
عليه زرع القلب هايف وظامي = ولا لي جدى كود البكاء و التنهات
أنهت على ما فاتني من زماني = يوم الحبيّب زارني في مكاني
وراي ماخذت القضا يوم جاني = وأنا ادري ان البيض فيهن غرّات
الحاء حليه بالوطن ما لقيته = عذلت نفسي عنه ولا قويته
لو يذكرونه في أمريكا نصيته = لو حال من دونه بحور و مسافات
مسافات لو هي في بحور الظلامي = أو وسط بتـّـيل حداه الولامي
إليا حصل منها بلوغ المرامي = عنيت له لو هو ببحر الظلومات
الخاء خليلي صار مني قريبي = ليتي نصيب ٍ له وليته نصيبي
ودي أواجه نور عيني حبيبي = مير الوحيد الهيت ما فيه نوهات
نوهات نوهات ٍ غدت من غثا البال = طول النهار أمشيه عمال بطال
وأنا اتحرى كل حول ٍ إلى حال = دنياك هذي يا اريش العين نشبات
الدال دامي ما مسكت الذوايب = لو قيل طيب قلت ماني بطايب
أدنوا سداة القبر أدنوا النصايب = أدنوا دواة الحبر باكتب سجلات
سجلات أريد اكتب بها لي وصية = عمري قضى يا وجد أهيلي عليه
قولوا لصافي اللون ياقف عليه = اغديه يرجع و يتحسف لما فات
الذال ذالي عنه عدة ليالي = لو قيل طيب قلت أنا ابخص بحالي
والله فلا يطري على شف بالي = إلا انت يا راع الثمان الرهيفات
رهيفات فيها للمشقى طرابة = مجمول مدلول ٍ ولا به طنابه
ياليت من يدخل معه في ثيابه = وأسج أنا وياه بالعمر سجات
الراء ردوف صويحبي ثقلنه = ونهود للثوب الحمر شلعنه
ومثومن ٍ ماحلى بياضه و فنه = في عرض ساق ٍ فيه من عرق الأرطاة
أرطاة غرمول ٍ ذرته الذواري = والله لو ماني على الترف أداري
لأسري عليها مثل ذيب الغداري = جايع و في الغابة عياله مجيعات
الزاء زماني شفت منه الهوايل = ما دام حظي بالغنادير مايل
الزين لو نترك قصير ٍ وطايل = لا شك وين العقل هيهات هيهات
هيهات لو بالعقل يا ذيب لبـّـه = ما كان يتبع واحد ٍ ما يحبه
لا صار قولي له خرير ٍ بدبه = وش لك بشوفه يالعيون المشقاة
السين سقنا من الدراهم و عيا = واللي نبي من صاحبي ما تهيا
يقول والله لو تحب الثريا = خذني على السنة تشوف الطرابات
طرابات ينسنك جميع الدروبي = يغديك في تالي حياتك تتوبي
وأودع مقرك بين جلدي و ثوبي = وتشوف فرق البيض فيهن لذات
الشين شاب الراس يا عذب الأنياب = واللي بطاري توبة ٍ ذاك قد تاب
لي حاجة ٍ يا زين بس افتح الباب = يرحمني اللي عالم ٍ بالخفيات
يرحمني أني فيك يا زين مفتون = من حبك اسهر و الخلايق ينامون
ألهيتني عن مذهب اللي يصلون = ما عاد أميز لو قران التحيات
الصاد صيدي يوم ألاوي غريمي= شفق ٍ على الحبة و لمس البريمي
ما هو بصيدي قلة ٍ بالحريمي = لا شك كل ٍ له مع الناس مشهات
مشهات مشهاتي ظبيّ الفريدي = حب العرب ينقص و حبه يزيدي
لا شفت زوله ذاك هو يوم عيدي = تصبح بساتين الضماير مريفات
والضاد ضد ٍ حال بيني و بينه = يقول هذا صانع ٍ ما تبينه
عسى الوجع يشقيه بصبي ّ عينه= يسهر ولا يمرح من الليل ساعات
ساعات جعله ما يشوف الجدارا = ولا يعرف الليل هو والنهارا
عساه يوم البعث يحشر حمارا = و يحملونه حمل الأسراف سيات
الطاء طويت الياس و السد باحي = ما عاد لي شف ٍ بظبي البياحي
لا علها هبت هبوب الجناحي = اللي سبوقه فوق رجله مطوات
مطوات طار وراح من يوم هبه = راعيه لو رز اللوى ما ينبه
طير ٍ قطيف ٍ و الحبارى غدت به = يبغى العشاء ما بين فخذ ٍ و جنبات
الظاء ظمان ٍ من تولع بالأثنين = لابد تترك عشرته يا مسيكين
ما ينتجمع بالمرابط حصانين = يجيلهن حوس ٍ و دوس ٍ و صقلات
صقلات يصقل يوم جابوا طعامه = جعله على طلب المعيشه بحامه
اسمع كلامي يالهبيل الفدامة = إليا جمعت الحصن فالحصن خطرات
العين عمّن ينقل الهرج حذراك = تراك كنك ناقل ٍ داك برداك
إليا سمع له كلمة ٍ من حكاياك = يحطها كبر القصور المبناة
مبناة تبنى مثل خشم الغرابه = ويكثر المشروب عقب الطرابه
و هو يشادي بومة ٍ في خرابه = لا ناقل ٍ هرجه ولا كف هرجات
و الغين غاب القلب بأول شبابي = وأدنيت من تلعات الأرقاب نابي
واليوم شاب الراس و الكيف طابي = ماني على الماضي كثير الحسوفات
حسوفات لا تندم على ما مضى منك = أيضا ولا تفرح على اللي يجي منك
مدراك لو موجب سبب صدته عنك = ناهيك رب العرش رب السماوات
الفاء فؤادك لا توليه حساد = وأحذر يجيلك مع هل الشر مقعاد
أهرج و خلك عن جميع العرب صاد = ثم اعتبر بالذيب يضوي بغرات
غرات يضويها و هم ما دروا به = و اللي يوقف بالحراوي هقوا به
كم واحد ٍ وقف ولا قضينوا به = يكسر إلى شاف اللحم كنه حدات
القاف قل للي يريد النواميس = اللي يبي طرد الهوى يرخي الكيس
وإليا بذلت الكيس و النفس و ابليس = تطيح ناس ٍ يدّعون الديانات
طاحوا و صاروا للخلايق علاجه = يلقى بهم راع الهوى قضي حاجة
وإليا نثرت الحب جتك الدجاجة = حافت و باضت لو تبي عشر بيضات
الكاف كن السد في كل الأحوال = و احفظ لسانك لا يقولون ذا قال
حتى تجي محبوب محسوب رجال = و إن جيت مجلسهم نواظرك صقرات
صقرات لا تامن من اللي يحاكيك = و هو عدوك تحسب أنه يشاكيك
يا ذيب كان الله على الرشد هاديك = اكتب حروف بالضماير حسينات
اللام ليت ليت العمر ينكس بحله = الرجل قبل الشيب يا حلو دله
قيمة ثلاثين السنة هي محله = وإن لاح فيه الشيب مابه طرابات
مابه طرابات ٍ ولا يرغبونه = لو حط له ردن ٍ و كحّل عيونه
أهل الهوى عقب الغلا يكرهونه = لو هو مصافيهم على فايت ٍ فات
الميم ما غيري من الناس جرب = ولاحد ٍ مثلي بزمانه تغرب
لاويت صاف اللوم فوق المضرب = كن العدو عنها عيونه مداوات
مداوات ما وده يجي له عبارة = و اللي يجنب عنك وش لك بداره
الهذر ما يعطى بوسط الخبارة = لازم يجي فيها عقارب وحيات
النون نام الحظ ما فيه حيله = عيا يبارينيو أنا ازريت اشيله
من يوم فارقني عريض الجديلة = قامت تكسر في حشا الصدر عبرات
عبرات ضاقت به حنايا ضلوعي = عليك يا خلي حسين الطبوعي
والله ما اطاوع فيك هراج دوعي = دايم عيوني في مراعاك سهرات
الهاء هواي العاشرة يالفطيني = و السابعة ياللي تعرف الرطيني
ما تنحكى الشكوى على الميتيني = و الخامسة ما تنحصى عد الأميات
أميات مات القلب من كثر همي = أشكي عليك الحال يا ولد عمي
أنت عضيدي و أنت لحمي و دمي = ترضاه يجفاني ولاني بمجفات
و الواو ويله بالهوى من هواهم = أن كانه اللي سم حالي و طاهم
كم ليلة ٍ يصبح غثيث عشاهم = إلا لقيمات ٍ مع الحلق مرات
مرات لين أقضي من الترف شفي = وأوسده عضدي و زندي و كتفي
وأشر بحبه باين ٍ و متخفي = ثمن يجي للزاد و الشرب لذات
الياء يولع في ضميري حريقة = أذكر شرابي من قراطيع ريقه
و هزين باني بالغصون الوريقه = في عرض بستان ٍ روايا و لدنات
لدنات نسناس الهبايب تديره = واللي تولع به حباله قصيره
ما اظن يبرد واهج ٍ في ضميره = إلا على سيسان ذيك الشفايات
_____________________________
إنتهت !
رباح القويعي ,, معكم دائما ً ..