عبدالله الفاران
29-08-2003, 05:44 AM
هذه القصيده قالها الشاعر/ فهد بن نايف الشاطري المطيري .
مهداة للشيخ / حمدان بن حمود الجدي بمناسبة زواجه
سلام ياللي تعشق الناس طاريك " = " إعداد ماهز الهوى شجرة الراك
من هاجس اللي طاوي البعد لافيك " = " ماقد تعنى إلا لمثلك وشرواك
عسفت قافي وامتثل بين أياديك " = " جاك أمتعنيلك من الخرج لرضاك
واجب علي افرح لشخصك واهنيك " = " وعيبٍ علي إن جيت شعري ماهناك
ياللي لرفع الراس تبذل مساعيك " = " ياسابحٍ في العز من اقصاك لادناك
سبحان خلاقك وسبحان واليك " = " حرام ماشفنا مع الناس حلياك
شعري ماهو رافعك .. ربي معليك " = " متعلي فوق الكواكب والأفلاك
فعلك من لسان المطافيق حاميك " = " ياللي تحث لكسبت الطالة خطاك
اتعبت من وده بطيبه يجاريك " = " برقٍ جميع اللي يخيلك تمناك
كسب الثنا والعز هذي مباديك " = " ماخاب ظن اللي على الطيب رباك
الجود كنه من خلق لك يباريك " = " تخجل هل المدات لاجت عطاياك
كبود الظوامي شفها جم صافيك " = " ياللي من اللي ياردك ما نضب ماك
درب الشهامه بالكريم امتمثنيك " = " وقول (ونعم) من كل فمٍ تغشاك
سيل ليا من فظت ماحدٍ يناحيك " = " وضلع زما مالله خلق من تعلاك
البيض عجزن ينجبن من يحاليك " = " ياللي تمنى كل الأمة سجاياك
من نسل روس القوم ماهم صعاليك " = " تاريخهم في نجد وديار الأتراك
ساده بوقتٍ نصف الامه مماليك " = " ماحدٍ تولاهم ولاحدٍ تولاك
شمر .. هل الطالات والفعل يكفيك " = " روس الطنايا والسناعيس ذولاك
رجالهم لامن طغى الوقت يشفيك " = " يكفيك عن هذا ويكفيك عن ذاك
ياقف معك في لازمك مايخليك " = " ماهو بخيل لا قسى الوقت ينساك
افخر بلابه يالزحل تفتخر فيك " = " يالله عسى يفداك رجال عاداك
وأنا أدري أن مافيه حي يعاديك " = " ياثامنة سبع العجايب مزاياك
قلته وأنا من لابةٍ للشرف شيك " = " مطير .. وفعول القبايل ماتخفاك
واختامها اقبل تحيات مغليك " = " شاعر وشعره ياابيض الوجه هناك
مهداة للشيخ / حمدان بن حمود الجدي بمناسبة زواجه
سلام ياللي تعشق الناس طاريك " = " إعداد ماهز الهوى شجرة الراك
من هاجس اللي طاوي البعد لافيك " = " ماقد تعنى إلا لمثلك وشرواك
عسفت قافي وامتثل بين أياديك " = " جاك أمتعنيلك من الخرج لرضاك
واجب علي افرح لشخصك واهنيك " = " وعيبٍ علي إن جيت شعري ماهناك
ياللي لرفع الراس تبذل مساعيك " = " ياسابحٍ في العز من اقصاك لادناك
سبحان خلاقك وسبحان واليك " = " حرام ماشفنا مع الناس حلياك
شعري ماهو رافعك .. ربي معليك " = " متعلي فوق الكواكب والأفلاك
فعلك من لسان المطافيق حاميك " = " ياللي تحث لكسبت الطالة خطاك
اتعبت من وده بطيبه يجاريك " = " برقٍ جميع اللي يخيلك تمناك
كسب الثنا والعز هذي مباديك " = " ماخاب ظن اللي على الطيب رباك
الجود كنه من خلق لك يباريك " = " تخجل هل المدات لاجت عطاياك
كبود الظوامي شفها جم صافيك " = " ياللي من اللي ياردك ما نضب ماك
درب الشهامه بالكريم امتمثنيك " = " وقول (ونعم) من كل فمٍ تغشاك
سيل ليا من فظت ماحدٍ يناحيك " = " وضلع زما مالله خلق من تعلاك
البيض عجزن ينجبن من يحاليك " = " ياللي تمنى كل الأمة سجاياك
من نسل روس القوم ماهم صعاليك " = " تاريخهم في نجد وديار الأتراك
ساده بوقتٍ نصف الامه مماليك " = " ماحدٍ تولاهم ولاحدٍ تولاك
شمر .. هل الطالات والفعل يكفيك " = " روس الطنايا والسناعيس ذولاك
رجالهم لامن طغى الوقت يشفيك " = " يكفيك عن هذا ويكفيك عن ذاك
ياقف معك في لازمك مايخليك " = " ماهو بخيل لا قسى الوقت ينساك
افخر بلابه يالزحل تفتخر فيك " = " يالله عسى يفداك رجال عاداك
وأنا أدري أن مافيه حي يعاديك " = " ياثامنة سبع العجايب مزاياك
قلته وأنا من لابةٍ للشرف شيك " = " مطير .. وفعول القبايل ماتخفاك
واختامها اقبل تحيات مغليك " = " شاعر وشعره ياابيض الوجه هناك