الجار............. ثم الجار.............. ثم الجار...

[حماد الرويان]

عسـى الله يوفقنـي بجـارٍ يشـب iiالنـار من أهل الوفا والطيب مذخور iiالاجـوادي

من اللي يعرفون العوايـد وحـق iiالجـار وراعي علـوم كنهـا المسـك iiوالكـادي

أسيـر عليـه وهـو يبادلنـي iiالمسـيـار مجيـي منـاه وجيتـه غـايـة iiمــرادي

الـه عندنـا قـدره وعنـده لنـا iiمقـدار حسابـه حسـاب الـروح وأولاده iiأولادي

يعطـر مجالسنـا سوالـف ورد iiأخـبـار عن أحداث حاضرنا وعن ماضي iiالاجدادي

وبعض المواقف والطرايف قصص وأشعار أنا ابـدا بهـا التقديـم والا هـو iiالبـادي

ومسك الختام مـن الاحاديـث iiوالاذكـار يذكر بهـا اللـي نيتـه نصـح وإرشـادي

ويجي عندنا ربـعٍ لحـاً غانمـه iiوأخيـار عوارف على درب الهـدى والله iiالهـادي

ولانقبـل اللـي بالحكـي عادتـه iiهـذار وراع النمايـم عندنـا مـالـه iiإسـعـادي





الشاعر // عبدالله العتيبي



@@ بواسطة اخوكم .... حماد الرويان .... ابو فيصل...@@ http://arabsgate.net/vb/avatar.php?userid=36688&dateline=1026471413

[ولد حائل]

الاخ الفاضل //حماد الرويان الله يحفظه

السلام عليكم

عشت وعااااااشت يمينك يالعزوة

الغانم ما يجيب الا العلوم والاخبار الغانمه والمفيده .

مثلك وشرواك ومثل الشاعر والجميع فخر ان نقرا لهم .

صح لسان الشاعر / عبدالله العتيبي

حقيقه شاعر متميز وقصيده كلها فوائد وحكم .

والجار وصى به الحبيب المصطفى عليه افضل الصلاة واتم التسليم .

ومن ما ورد في الحديت (( حتى ظننت انه سيورثه ))

والمثل - يقول ابحث عن الجار قبل الدار.

والشمري يقول :.

والجار انا حسبه حدى والديي *** يامر علي وانا بفخرٍ اطيعه .

ويقول الشمري الآخر :-

السور دونك مابنيناه بجدار **** اخاف يبديلك لزومٍ وتخفيه .

والامثال و الابيات اكثر واعم واشمل من ذلك

الف نعم بك وبالشاعر

ولك وللشاعر الف تحيه وتقدير

ولكم خاااااااااااالص تحيااااااااااااااتي


ولــــــــــــــد حـــــــــــــايــــــــــــــل