حبيت شايب !!!!!!

[راعي الدغيماء]

> حبيت شايب لا تقولـون لـي ليـه
> لقيت عنده ما أبـي العـزّ والجـاه
> ولقيت عنده حبّ من قلـب يعطيـه
> هو حبّي الاول ولاخر وانـا افـداه
> قرب على التسعين لا شـي يشكيـه
> سلفه يـدّق بـلا اشتـراكٍ وتحمـاه
> مهما طلبتـه قـال حاضـر ولبّيـه
> يركض على شاني ولا همّـه شـراه
> لو هو لبـن عصفـور لابـدّ لاقيـه
> يفرح اذا من قلـت يـارب تجـزاه
> وان ضاق صدري بان حزنه بعينيه
> ورحت اتمشـى فالبساتيـن وايّـاه
> يجمع لي أجمل ورد من نقوة ايديـه
> والشوك عن دربـي يشيلـه بيمنـاه
> واذا رجعنا البيـت فالأنـس يحييـه
> شال الهجيني والرقـص دوم يهـواه
> وان كان ابي "ديسكو" فلا هوب خافيه
> "البريك داون" يضبطـه مـا تعنّـاه
> يا بنـت خـوذي شايـبٍ لا تعدّيـه
> خاتـم بيـدّك والمخاليـق بحـمـاه
> وش لك بـورعٍ تايـهٍ فـي مفاليـه
> امـا سهـر والا دشـاره وبـلـواه
> والا فقيـرٍ راتبـك مــا يخلّـيـه
> والا غنـي والبخـل دوم بخـطـاه
> والا مطـوع وحـدةٍ مـا تكفـيّـه
> ولو هي وحيده تنتهي مـن سوايـاه
> حتيش لو دينه عـن الغـي ينهيـه
> سيارته مـن كثـر كرفـه تشكّـاه
> ولا تاخذي شاعرترى العشق يغريـه
> يا سرع مـا يقلـب لحـبٍ تحـرّاه
> ولا تقبلي راعي "تـداول" وتشريـه
> فكره مـع الاسهـم عشيـقٍ وليـلاه
> فالشايب اللـي كبـر جـدّك تمنّيـه
> لو قدّر الله مـات فالـورث ذكـراه
> من بعدهـا تشريـن زوجٍ وتغنيـه
> دام الشبـاب اليـوم فقـره توطّـاه
> ويصير لـك ظـلٍ وتيـسٍ تربّيـه
> برويتبٍ مثل الموظـف ولا احـلاه
>

[رباح القويعي]

أختيار رائع و طريف أخوي راع الدغيماء ..

يعطيك العافية ..

وشكرا ً على تواصلك معنا ,,

[ماجد العراك الزقروطي]

مشكور راعي الدغيماء
على طرح هذه القصيده الطريفه
و لا هنت اخي