الكاااااابتن
02-08-2003, 11:16 AM
يالله ياوالي على كل والي = ياخير من يدعي لكشف الجليله
المالك المعبود محصي الرمالي = الكون والدنيا ومابه فهيله
ماكان له اول وماكان تالي = ملكه يدبربه على مايبيله
يقضي ويمضي قادرٍ مايبالي = والخلق ماتفعل بلا امره فعيله
ماله شريكٍ حل فوق امتعالي = علمه احاط بدقها والجليله
أشهد فلا غيره اله ولا لي = ربٍ سواه أخشاه وأرجي النيله
ياواحدٍ فوق السموات عالي = من سطوته كل الخلايق ذليله
يافارج الشده بضيق الاحوالي = أفرج لعبدك يامنجي خليله
وأنظر بعينك ياألاهي لحالي = فردٍ غريبٍ والمصاغي قليله
وحيدٍ مالي غير ظلك أظلالي = ذليل مالي غير عزك وسيله
ياراحمٍ ارحم شيبتي وانخذالي = ياجابرٍ اجبر عثرتي والفشيله
الف وناظر ياللولي في سؤالي = لاتواخذن في مامضا من فعيله
لا اخوان لا عمان ولامن خوالي = ولامن صديقٍ بالوزى نشتكيله
لو كان مايجلي سوى الله جالي = ماشفت عبدٍ هرجتهلي جميله
تقطعت وذم العرى والمدالي = من جملة الخلان والمستخيله
قضيت من المخلوق محدٍ بقالي = الا انت ياللي مايخلي عميله
عادوني كل الناس شرق وشمالي = ولا بقى غيرك ذرى نرتجيله
شافوني مذلول وحيدٍ وخالي = ولالي من الفزعات مومي شليله
وأنا بعون الله متان أحبالي = متجودٍ بحبال منشي المخيله
لو كان كلٍ له صديقٍ موالي = اخوال واقراب ولا احدٍ قبيله
أنا لي اللي زابنه مايسالي = جزل العطاء مبري الجسوم العليله
اليا دعو حيانهم فز بالي = رفعت طرفي له وقمت اشتكيله
واليا تنادو بينهم للنوالي = ناديت بأسمك يامنشي المخيله
من لاذبك ماصار بالضيق تالي = يصير الاول لو أعظامه هزيله
أنا دخيلك ياعزيز الجلالي = حاشا كرم جودك يضيع عميله
تبريت من غيرك بحالي ومالي = وزبنت انا بحماك عن كل ميله
من شر خلقك لايذنبك ومالي = غيرك ملاذن شامخٍ ينعنيله
يارب مالي غير جدواك والي = وان كان خليتن فلالي عقيله
ياعالم بالمخطيه والعدالي = تشوف مالي غير عدلك وسيله
فلا تواخذني بماذي افعالي = ياساتر العورات مضفي الجميله
لو كان ذنبي راجحٍ بالجبالي = عفوك عظيم ليس ذنبي عديله
اطلبك تقبل توبتي عن خمالي = وأطلبك عني كل كربٍ تزيله
وأطلبك تغفر لي وتصلح اعمالي = يامزبن الخايف ليا باد حيله
مولاي لاملجا ولا ملتجالي = الا انت ياللي مايضيع نزيله
يافزعت المضيوم منشي الخيالي = يافارج الشدات لوهي ثقيله
في وسط دبابٍ وحيدٍ لحالي = أظلم ولا ادري وش نهاره ولليله
متروك مالي من يرد المقالي = لا أحدٍ يبي قولي ولا احدٍ يشيله
ولا احدٍ غيرك عليه اتكالي = الا انت يامنجي دريك الدبيله
مادام تنظرلي وتسمع مقالي = ماخاب عبدٍ يدري انك وكيله
ياسامع بالليل حس النمالي = وصوت يونس بالبحور الطويله
دعاء وضرب الموج مثل الجبالي = فوقه اجبت دعوته وتهليله
يامعرف الايام هي واليالي = في قولته كن يجري القلم بتعديله
أدعوك بأسمك العظام الجزالي = وبحق ماخصت لك من فضيله
وبحق عظمة قدرتك والجلالي = وبحق نورك والافعال الجميله
وبحق مانزلت اول وتالي = تجيرني من شر خلقك طويله
يافارج الكربه بضيق الاحوالي = ايمر لعبدك بالفرج واتعجيله
واجل الامور المعضلة والجلالي = عن كل عبدٍ مسلمٍ يندعيله
وصلاة ربي عد رمل السهالي = على نبينٍ وضح الله دليله
صفوة قريش اللي مشى بالعدالي = نبينا المعصوم عن كل ميله
تمت وفرجها عزيز الجلالي = فرحت بالطارش وقمت ادعيله
المالك المعبود محصي الرمالي = الكون والدنيا ومابه فهيله
ماكان له اول وماكان تالي = ملكه يدبربه على مايبيله
يقضي ويمضي قادرٍ مايبالي = والخلق ماتفعل بلا امره فعيله
ماله شريكٍ حل فوق امتعالي = علمه احاط بدقها والجليله
أشهد فلا غيره اله ولا لي = ربٍ سواه أخشاه وأرجي النيله
ياواحدٍ فوق السموات عالي = من سطوته كل الخلايق ذليله
يافارج الشده بضيق الاحوالي = أفرج لعبدك يامنجي خليله
وأنظر بعينك ياألاهي لحالي = فردٍ غريبٍ والمصاغي قليله
وحيدٍ مالي غير ظلك أظلالي = ذليل مالي غير عزك وسيله
ياراحمٍ ارحم شيبتي وانخذالي = ياجابرٍ اجبر عثرتي والفشيله
الف وناظر ياللولي في سؤالي = لاتواخذن في مامضا من فعيله
لا اخوان لا عمان ولامن خوالي = ولامن صديقٍ بالوزى نشتكيله
لو كان مايجلي سوى الله جالي = ماشفت عبدٍ هرجتهلي جميله
تقطعت وذم العرى والمدالي = من جملة الخلان والمستخيله
قضيت من المخلوق محدٍ بقالي = الا انت ياللي مايخلي عميله
عادوني كل الناس شرق وشمالي = ولا بقى غيرك ذرى نرتجيله
شافوني مذلول وحيدٍ وخالي = ولالي من الفزعات مومي شليله
وأنا بعون الله متان أحبالي = متجودٍ بحبال منشي المخيله
لو كان كلٍ له صديقٍ موالي = اخوال واقراب ولا احدٍ قبيله
أنا لي اللي زابنه مايسالي = جزل العطاء مبري الجسوم العليله
اليا دعو حيانهم فز بالي = رفعت طرفي له وقمت اشتكيله
واليا تنادو بينهم للنوالي = ناديت بأسمك يامنشي المخيله
من لاذبك ماصار بالضيق تالي = يصير الاول لو أعظامه هزيله
أنا دخيلك ياعزيز الجلالي = حاشا كرم جودك يضيع عميله
تبريت من غيرك بحالي ومالي = وزبنت انا بحماك عن كل ميله
من شر خلقك لايذنبك ومالي = غيرك ملاذن شامخٍ ينعنيله
يارب مالي غير جدواك والي = وان كان خليتن فلالي عقيله
ياعالم بالمخطيه والعدالي = تشوف مالي غير عدلك وسيله
فلا تواخذني بماذي افعالي = ياساتر العورات مضفي الجميله
لو كان ذنبي راجحٍ بالجبالي = عفوك عظيم ليس ذنبي عديله
اطلبك تقبل توبتي عن خمالي = وأطلبك عني كل كربٍ تزيله
وأطلبك تغفر لي وتصلح اعمالي = يامزبن الخايف ليا باد حيله
مولاي لاملجا ولا ملتجالي = الا انت ياللي مايضيع نزيله
يافزعت المضيوم منشي الخيالي = يافارج الشدات لوهي ثقيله
في وسط دبابٍ وحيدٍ لحالي = أظلم ولا ادري وش نهاره ولليله
متروك مالي من يرد المقالي = لا أحدٍ يبي قولي ولا احدٍ يشيله
ولا احدٍ غيرك عليه اتكالي = الا انت يامنجي دريك الدبيله
مادام تنظرلي وتسمع مقالي = ماخاب عبدٍ يدري انك وكيله
ياسامع بالليل حس النمالي = وصوت يونس بالبحور الطويله
دعاء وضرب الموج مثل الجبالي = فوقه اجبت دعوته وتهليله
يامعرف الايام هي واليالي = في قولته كن يجري القلم بتعديله
أدعوك بأسمك العظام الجزالي = وبحق ماخصت لك من فضيله
وبحق عظمة قدرتك والجلالي = وبحق نورك والافعال الجميله
وبحق مانزلت اول وتالي = تجيرني من شر خلقك طويله
يافارج الكربه بضيق الاحوالي = ايمر لعبدك بالفرج واتعجيله
واجل الامور المعضلة والجلالي = عن كل عبدٍ مسلمٍ يندعيله
وصلاة ربي عد رمل السهالي = على نبينٍ وضح الله دليله
صفوة قريش اللي مشى بالعدالي = نبينا المعصوم عن كل ميله
تمت وفرجها عزيز الجلالي = فرحت بالطارش وقمت ادعيله